ସମ୍ବଲପୁର: ସମ୍ବଲପୁରରେ ମମିତା ମେହେର ହତ୍ୟାକାଣ୍ଡ ଘଟଣାର ପ୍ରତିବାଦ କରିଛି କଂଗ୍ରେସ । 6 ଘଣ୍ଟିଆ ବନ୍ଦ ଡାକରା ଦିଆଯାଇଥିବା ବେଳେ ବନ୍ଦ ନେଇ ହାଇକୋର୍ଟଙ୍କ ନିର୍ଦ୍ଦେଶ ଆସିଥିଲା । ପରେ ଆଜି ସମ୍ବଲପୁରରେ ଜିଲ୍ଲା କଂଗ୍ରେସ ଶାନ୍ତିପୂର୍ଣ୍ଣ ହରତାଳ କରିଥିଲା ।
ତେବେ ଦୋକାନ ବଜାର, ସରକାରୀ ବେସରକାରୀ କାର୍ଯ୍ୟାଳୟ ସବୁ ଖୋଲା ରହିଥିବା ବେଳେ ଗାଡିମୋଟର ଚଳାଚଳ ସବୁ ସ୍ବାଭାବିକ ଥିଲା । ସମ୍ବଲପୁର ଜିଲ୍ଲା କଂଗ୍ରେସ କାର୍ଯ୍ୟାଳୟରୁ ଜିଲ୍ଲା କଂଗ୍ରେସ ସଭାପତି ଅଶ୍ବିନୀ ଗୁରୁଙ୍କ ନେତୃତ୍ବରେ କଂଗ୍ରେସ କର୍ମୀ ମାନେ ଏକ ପ୍ରତିବାଦ ଶୋଭାଯାତ୍ରରେ ବାହାରି ସହରର ମୁଖ୍ୟ ସଡକ ଦେଇ ଡିଆଇଜି କାର୍ଯ୍ୟାଳୟ ପର୍ଯ୍ୟନ୍ତ ଯାଇ ସେଠାରେ ବିକ୍ଷୋଭ ପ୍ରଦର୍ଶନ କରିଥିଲେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
