ଭୁବନେଶ୍ବର: ଏମଏସଏମଇ ଶିଳ୍ପକୁ ସୁଦୃଢ କରିବାକୁ ରାଜ୍ୟ ସରକାରଙ୍କ ବଡ ନିଷ୍ପତ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟରେ ଏମଏସଏମଇ ପାଇଁ 289.42 କୋଟିର ସ୍ବତନ୍ତ୍ର ପ୍ୟାକେଜ ଘୋଷଣା କରିଛନ୍ତି । ଏହାଦ୍ବାରା ପ୍ରାୟ 1 ଲକ୍ଷ 70 ହଜାର ଏମଏସଏମଇ ଶିଳ୍ପ ଋଣ ପାଇପାରିବେ ।
ଏହି ସ୍ବତନ୍ତ୍ର ପ୍ୟାକେଜ ଫଳରେ ମହିଳା ଶିଳ୍ପୋଦୋଗୀମାନେ ବେଶ ଉପକୃତ ହେବେ । ବିଶେଷକରି ମହିଳାମାନଙ୍କ ଦ୍ବାରା ପରିଚାଳିତ ଏମଏସଏମଇଗୁ଼ଡିକ ପାଇଁ ସ୍ବତନ୍ତ୍ର ଭାବେ 108.29 କୋଟି ଟଙ୍କାର ବ୍ୟବସ୍ଥା କରାଯାଇଛି । ଏହାସହ ମଧ୍ୟ ବୁଣାକାରମାନେ ମଧ୍ୟ ଏହାର ଫାଇଦା ପାଇପାରିବେ ।
ସ୍ବତନ୍ତ୍ର ପ୍ୟାକେଜରେ ସାମାଜିକ ଦୁର୍ବଳ ଶ୍ରେଣୀ ଶିଳ୍ପ ଉଦ୍ୟୋଗୀଙ୍କ ପାଇଁ ଟପଅଫ ସବସିଡ୍ ବ୍ୟବସ୍ଥା କରାଯାଇଛି । ଏହି ପ୍ୟାକେଜ ଦ୍ବାରା ପ୍ରାୟ 1 ହଜାର ଖାଦ୍ୟ ପ୍ରକ୍ରିୟାକରଣ ଶିଳ୍ପ ଲାଭବାନ ହେବେ । କୋଭିଡ ସ୍ଥିତିରେ ଦୁର୍ବଳ ହୋଇଥିବା ଏମଏସଏମଇ ଶିଳ୍ପକୁ ବଳ ଯୋଗାଇବାକୁ ଏହି ପ୍ୟାକେଜ ସହାୟକ ହେବ । ଏହାବ୍ୟତୀତ 27 କୋଟି ଏସିଏସଟି, ମାଇନର କମ୍ୟୁନିଟି ଓ ଦିବ୍ୟାଙ୍ଗମାନଙ୍କ ପାଇଁ ବ୍ୟବସ୍ଥା କରାଯାଇଛି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
