ବରଗଡ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ବରଗଡ ଜିଲ୍ଲା ଗସ୍ତରେ ଆସି ନବ ନିର୍ମିତ ଜିଲା ମୁଖ୍ୟ ଡାକ୍ତରଖାନା ଓ ବିଜ୍ଞାନ ଉଦ୍ୟାନ କୁ ଉଦଘାଟନ କରିଛନ୍ତି । ଅନେକ ପ୍ରକଳ୍ପର ଶିଳାନ୍ୟାସ କରିଥିବା ବେଳେ ବହୁ ହିତାଧିକାରୀ ମାନଙ୍କୁ ଚେକ ମାଧ୍ୟମରେ ଅର୍ଥ ପ୍ରଦାନ ମଧ୍ୟ କରିଛନ୍ତି । ଏହସହ ଜିଲ୍ଲାର ପୁରୁଣା ଓ ବଡ ଦାବି ମଧ୍ୟ ପୂରଣ କରିଛନ୍ତି ।
ମଙ୍ଗଳବାର ମୁଖ୍ୟମନ୍ତ୍ରୀ ୧୨ ଟା ୩୦ ମିନିଟରେ ବରଗଡ ଟୁକୁଲ୍ଲାରେ ପହଞ୍ଚିଥିଲେ ଏବଂ ନବ ନିର୍ମିତ ଡାକ୍ତରଖାନାର ଉଦଘାଟନ କରିଥିଲେ । ପରେ ଏକ ସାଧାରଣ ସଭାରେ ଯୋଗଦେଇ ଦେଇଥିଲେ । ଏହି ସାଧାରଣ ସଭାରେ ରାଜ୍ୟସଭା ସାଂସଦ ପ୍ରସନ୍ନ ଆଚାର୍ଯ୍ୟ, ମନ୍ତ୍ରୀ ସୁଶାନ୍ତ ସିଂ, ପ୍ରଫୁଲ୍ଲ ମଲ୍ଲିକ, ଅଶୋକ ପଣ୍ଡା, ଜିଲା ଯୋଜନା କମିଟି ଅଧ୍ୟକ୍ଷ ଦେବେଶ ଆଚାର୍ଯ୍ୟ, ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ, ବିଜେପୁର ବିଧାୟିକା ରୀତା ସାହୁ, ପଦ୍ମପୁର ବିଧାୟକ ବିଜୟ ରଞ୍ଜନ ସିଂ ବରିହା, ପୂର୍ବତନ ସାଂସଦ ପ୍ରଭାସ ସିଂ ପ୍ରମୁଖ ଉପସ୍ଥିତ ଥିଲେ ।
ତେବେ ମୁଖ୍ୟମନ୍ତ୍ରୀ ଗତ ୨୦୧୯ ଫେବୃୟାରୀ ୨୧ରେ ସୋହେଲା ନିକଟ ଇଚ୍ଛାପାଳି ଠାରେ ଏହି କ୍ୟାନସର ହସ୍ପିଟାଲ ନିର୍ମାଣ ପାଇଁ ଘୋଷଣା କରିଥିଲେ । ହେଲେ ଆଜି ପର୍ଯ୍ୟନ୍ତ କୌଣସି କାର୍ଯ୍ୟ ଆରମ୍ଭ ହୋଇନଥିବା ବେଳେ ମଙ୍ଗଳବାର ପୁଣିଥରେ ବରଗଡରେ କ୍ୟାନସର ହସ୍ପିଟାଲ ପ୍ରତିଷ୍ଠା ନେଇ ସରକାରଙ୍କ ଘୋଷଣା କରିବା କେତେ ତତ୍ପର ଏଥିରୁ ସ୍ପଷ୍ଟ । ମୁଖ୍ୟମନ୍ତ୍ରୀ ନିଜେ ଦୁଇଥର ଘୋଷଣା କରିବା ପରେ କେବେ ହେଉଛି ହସ୍ପିଟାଲ ତାହାକୁ ଅପେକ୍ଷା ।
ବରଗଡରୁ ରାଜେସ ସରାପ, ଇଟିଭି ଭାରତ
