ଭୁବନେଶ୍ବର: ରାଜ୍ୟରେ ଚାଲିଛି ରାଜ୍ୟ ସ୍ତରୀୟ 10ତମ ସର୍ଗିଫୁଲ କାର୍ଯ୍ୟକ୍ରମ । ଏହି କାର୍ଯ୍ୟକ୍ରମରେ ଅନୁସୂଚିତ ଜାତି ଓ ଜନଜାତି ବିଦ୍ୟାଳୟରୁ 1000ରୁ ଊର୍ଦ୍ଧ୍ବ ଛାତ୍ରଛାତ୍ରୀ ଯୋଗ ଦେଇ ନିଜର ପ୍ରତିଭା ପ୍ରଦର୍ଶନ କରିଛନ୍ତି । ଏଥିରେ ବିଜ୍ଞାନ ମେଳା ସହ ନାଚ, ଗୀତ, କୁଇଜ ଆଦି ଅନେକ ପ୍ରତିଯୋଗିତା ହେଉଥିବା ବେଳେ କିଭଳି ଜଣେ ଶିଶୁ ସାମ୍ବାଦିକ ହୋଇପାରିବେ ସେ ନେଇ ଏକ ୱାର୍କସପ୍ କରାଯାଇଛି ।
ସର୍ଗିଫୁଲରେ ସାମ୍ବାଦିକତା ପାଠ ପଢିଲେ ଛାତ୍ରଛାତ୍ରୀ
ଏହି ୱାର୍କସପରେ ଛାତ୍ରଛାତ୍ରୀ ମାନେ ମୋବାଇଲ ମାଧ୍ୟମରେ ମୋଜୋ ସାମ୍ବାଦିକତା କରିପାରିବେ ତା' ଉପରେ ଶିକ୍ଷା ପ୍ରଦାନ କରାଯାଇଛି । ତା' ସହିତ ଶିଶୁ ଅଧିକାର ଆଇନକୁ କିଭଳି କାର୍ଯ୍ୟରେ ଲଗାଯାଇପାରିବେ ସେ ଦିଗରେ ମଧ୍ୟ ବିଶେଷ ଧ୍ୟାନ ଦିଆଯାଇଛି । ତେବେ ଶନିବାର କାର୍ଯ୍ୟକ୍ରମରେ ଯୁବ ସାମ୍ବାଦିକ ଅନୁଜ କୁମାର ଦାସ ଓ ସାମ୍ବାଦିକା ଦେଵଶ୍ରୀ ବେହେରା ଯୋଗ ଦେଇ ପିଲାଙ୍କୁ ରେଡ଼ିଓ, ଟିଭି, ମୋବାଇଲ, ପ୍ରିଣ୍ଟ ସାମ୍ବାଦିକତାର ପାଠ ପଢ଼ାଇଥିଲେ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
