ଭୁବନେଶ୍ବର: ଭିଭିଆଇପିଙ୍କ କାରକେଡରେ ଡ୍ୟୁଟି କରୁଥିବା ଡ୍ରାଇଭରଙ୍କ ହୋହଲ୍ଲା । ଡ୍ୟୁଟି କରି ପାରିଶ୍ରାମିକ ମିଳୁନଥିବା ଅଭିଯୋଗ । କେବଳ ତେଲ ପକାଇ ଡ୍ୟୁଟି କରାଉଛନ୍ତି ଦାୟିତ୍ବରେ ଥିବା ଅଧିକାରୀ । ଏପରିକି ପ୍ରଧାନମନ୍ତ୍ରୀଙ୍କ ଠୁ ଆରମ୍ଭ କରି ରାଷ୍ଟ୍ରପତି ଗସ୍ତ ପର୍ଯ୍ୟନ୍ତ । ଡ୍ୟୁଟି କରି ନୟାନ୍ତ ପରେ ବି ଖାଇବାକୁ ସୁଯୋଗ ମିଳୁନି । ଯାହାକୁ ନେଇ ଅମିତ ଶାହାଙ୍କ ଗସ୍ତ ପୂର୍ବରୁ ରାସ୍ତାକୁ ଓହ୍ଲାଇଛନ୍ତି ଉତ୍ୟକ୍ତ ଆନ୍ଦୋଳନକାରୀ ।
ଏନେଇ ରିଜର୍ଭ ପଡିଆ ଗେଟ ସମ୍ମୁଖରେ ଜୟଦେବ ବିହାର ଏଜି ରାସ୍ତାକୁ ଅବରୋଧ କରିଛନ୍ତି ଡ୍ରଇଭର । ତେବେ ସେମାନଙ୍କ ଅଭିଯୋଗ ସରକାରୀ ଡ୍ୟୁଟି ପାଇଁ ଅର୍ଥ ମିଳୁନାହିଁ, କି ବର୍ଷେ ପରେ ବି ବିଲ କ୍ଲିୟର ହେଉନି। ଯାହାକୁ ନେଇ ଆରଟିଓ ଓ ପୋଲିସ ପ୍ରଶାଶନର ଖାମଖିଆଲ ନୀତିକୁ ନେଇ ବିରୋଧ କରିଛନ୍ତି ଭିଭିଆଇପିଙ୍କ କାରକେଡରେ ଡ୍ୟୁଟି କରୁଥିବା ଡ୍ରାଇଭର । ଉପରିସ୍ଥ ଅଧିକାରୀଙ୍କ ହସ୍ତକ୍ଷେପ ପରେ ଆନ୍ଦୋଳନରୁ ହଟିଛନ୍ତି ଏମାନେ ।
ତେବେ ଆସନ୍ତା ୨୮ ତାରିଖରେ ହେବାକୁ ଯାଉଛି ଗୃହମନ୍ତ୍ରୀଙ୍କ ଗୁରୁତ୍ବପୁର୍ଣ୍ଣ ବୈଠକ । ଯେଉଁଥିରେ ଯୋଗଦେବେ ୫ ଟି ଇଷ୍ଟର୍ଣ୍ଣ ରାଜ୍ୟର ଚିଫ ମିନିଷ୍ଟରଙ୍କ ସହ ଚିଫ ସେକ୍ରେଟାରୀ ଓ ହୋମମିନିଷ୍ଟର। ତେବେ ଏନେଇ ୧୦୦ରୁ ଉର୍ଦ୍ଧ୍ବ ଅଫିସିଆଲଙ୍କ ଗସ୍ତ ପାଇଁ ଆରଟିଓ ପକ୍ଷରୁ ଗାଡି ସଂଗ୍ରହ ହେଉଛି। ନିୟମ ଅନୁସାରେ ସେମାନେ ଘରୋଇ ଗାଡିକୁ କାର୍ଯକ୍ରମ ପାଇଁ ଉପଯୋଗ କରିପାରିବେ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
