ଭୁବନେଶ୍ବର: କୋରୋନାର ଦ୍ବିତୀୟ ଲହର କୋପରେ ଏବେ ଦେଶ । ହୁ ହୁ ହୋଇ ବଢିଚାଲିଛି ସଂକ୍ରମଣଙ୍କ ସଂଖ୍ୟା । ଏନେଇ ବିଏମସି ଅଞ୍ଚଳରେ ଥିବା ହୋଟେଲ ଓ ରେଷ୍ଟୁରାଣ୍ଟ ଗୁଡିକ ପାଇଁ ନୂଆ ନିୟମ ଜାରି ହୋଇଛି ।
ପୂର୍ବ ପରି ଆଉ କେହି ହୋଟଲରେ ଖାଇ ପାରିବେ ନାହିଁ । କେବେଳ ପାର୍ସଲର ବ୍ୟବସ୍ଥା କରାଯାଇଛି । ଗ୍ରାହକମାନେ ହୋଟେଲକୁ ଭିଡ ଲଗାଇବା ପରିବର୍ତ୍ତେ ଅନଲାଇନ ଜରିଆରେ ଖାଦ୍ୟ ଅର୍ଡର କରି ପାରିବେ ।ହୋଟେଲଗୁ଼ଡିକରେ ଯେତେ କମ ସଂଖ୍ୟକ ଲୋକ ହେବେ ସେନେଇ ପ୍ରଶାସନ ପକ୍ଷରୁ ଦୃଷ୍ଟି ଦିଆଯିବ । ଗତ 19ତାରିଖରେ ସ୍ବତନ୍ତ୍ର ରିଲିଫ କମିଶନର ଜାରି କରିଥିବା ଗାଇଡ଼ଲାଇନରେ ଏହି ନିର୍ଦ୍ଦେଶ ଥିଲା ଯାହାକୁ ଆଜିଠାରୁ ବିଏମସି ପକ୍ଷରୁ କଡାକଡି ଭାବେ କାର୍ଯ୍ୟକାରୀ କରାଯିବ ।
ସୂଚନାଅନୁସାରେ ଆଜି ଗୋଟିଏ ଦିନରେ ରାଜ୍ୟରେ 4851ଜଣ କୋରୋନା ସଂକ୍ରମିତ ଚିହ୍ନଟ ହୋଇଥିବାବେଳେ 5ଜଣଙ୍କ ମୃତ୍ୟୁ ହୋଇଛି । ଖୋର୍ଦ୍ଧାରୁ 703ଜଣ ଆକ୍ରାନ୍ତ ହୋଇଛନ୍ତି । କେବେଳ ସଚେତନତା ଓ ନିୟମ ପାଳନ ହିଁ କୋରୋନାର ମୁକାବିଲା କରିପାରିବ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
