ଭୁବନେଶ୍ବର: ଓଡିଶାରେ ପହଞ୍ଚିଛନ୍ତି ବିଜେପି ପ୍ରଭାରୀ ଡି ପୁରନ୍ଦେଶ୍ବରୀ । ଏୟାର ଏସିଆ ବିମାନ ଯୋଗେ ସେ ଭୁବନେଶ୍ବରରେ ପହଞ୍ଚିଛନ୍ତି । ଦଳର ଦୁଇ ଦିନିଆ କାର୍ଯ୍ୟକାରିଣୀରେ ଯୋଗଦେବାକୁ ପୁରନ୍ଦେଶ୍ବରୀ ଓଡିଶା ଆସିଥିବା ଜଣାପଡିଛି ।
ଆଜି(ଶନିବାର) ଦଳୀୟ କାର୍ଯ୍ୟାଳୟରେ ଦଳର ପଦାଧିକାରୀଙ୍କ ସହିତ ବସିବାକୁ ଥିବା ବୈଠକରେ ଯୋଗଦେବେ । ସେହିପରି ଆସନ୍ତାକାଲି କାର୍ଯ୍ୟକାରିଣୀରେ ଯୋଗଦେଇ ନେତାଙ୍କୁ ଗୁରୁମନ୍ତ୍ର ଦେବେ । ତେବେ ପୁରନ୍ଦେଶ୍ବରୀ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ମୁଖପାତ୍ର ଗୋଲକ ମହାପାତ୍ର, ବରିଷ୍ଠ ନେତ୍ରୀ ପ୍ରଭାତୀ ପରିଡା ଓ ଅନ୍ୟ ନେତୃବୃନ୍ଦ ସ୍ବାଗତ କରିଛନ୍ତି ।
ଆଗକୁ ଆସୁଥିବା ପିପିଲି ଉପନିର୍ବାଚନ ଓ ପଞ୍ଚାୟତ ନିର୍ବାଚନ ପୂର୍ବରୁ ଏହି କାର୍ଯ୍ୟକାରିଣୀ ବୈଠକ ବସୁଛି । ଯାହାକୁ ନେଇ ନେତାଙ୍କ ମଧ୍ୟରେ ଉତ୍ସାହ ଦେଖାଦେଇଛି । ତେବେ ଦଳ ଯେପରି ଏହି ନିର୍ବାଚନ ଦ୍ବୟରେ ଭଲ କରେ ସେନେଇ ପୁରନ୍ଦେଶ୍ବରୀ ମନ୍ତ୍ର ଫୁଙ୍କିବେ ବୋଲି କୁହାଯାଉଛି ।
ସେହିପରି କେଉଁ କେଉଁ ପ୍ରସଙ୍ଗରେ ଦଳ ନିର୍ବାଚନକୁ ଓହ୍ଲାଇବ ତାହାର ରୋଡ ମ୍ୟାପ୍ ଏଠାରେ ପ୍ରସ୍ତୁତ ହେବ ବୋଲି ମଧ୍ୟ ଚର୍ଚ୍ଚା ହେଉଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
