ଭୁବନେଶ୍ବର : ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମାଙ୍କ ବ୍ୟକ୍ତିଗତ ସହାୟକ ଚିତ୍ତରଞ୍ଜନ ପଲାଇଙ୍କ ହତ୍ୟାକାଣ୍ଡ ପ୍ରସଙ୍ଗ ( Chittaranjan Palai Murder Case) । ଏନେଇ ପ୍ରତିକ୍ରିୟା ରଖିଛନ୍ତି ବିଜେପି ରାଜ୍ୟ ସାଧାରଣ ସମ୍ପାଦକ ପୃଥୀରାଜ ହରିଚନ୍ଦନ । ମୃତକଙ୍କ ପରିବାର ବର୍ଗ ହତ୍ୟାକାଣ୍ଡର ସତ୍ୟାସତ୍ୟ ଜାଣିବା ପାଇଁ କ୍ରାଇମବ୍ରାଞ୍ଚ ତଦନ୍ତ ପାଇଁ ଦାବି କରିଥିଲେ । ଆଜି (ବୁଧବାର) ଡିଜିପି କ୍ରାଇମବ୍ରାଞ୍ଚ (Crime Branch ) ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ।
ପୃଥୀରାଜ ହରିଚନ୍ଦନ କହିଛନ୍ତି କ୍ରାଇମ ବ୍ରାଞ୍ଚ ତଦନ୍ତକୁ ଏକ ହାସ୍ୟାସ୍ପଦ ବିଷୟ ବସ୍ତୁ କରିସାରିଲେଣି ରାଜ୍ୟ ପୋଲିସ । ରାଜ୍ୟର ଯେତେ କ୍ରାଇମ ବ୍ରାଞ୍ଚ ତଦନ୍ତ ହୋଇଛି ପ୍ରକୃତ ଦୋଷୀକୁ କ୍ଲିନଚିଟ୍ ଦିଆଯାଉଛି। ଏହା କ୍ରାଇମବ୍ରାଞ୍ଚର ଚିରାଚରିତ କାହାଣୀ ହୋଇଯାଇଛି। ଦୋଷୀକୁ ଯଦି କ୍ଲିନ ଚିଟ୍ ଦିଆଯାଉଛି । ତେବେ ଏହି ଘଟଣାରେବି ପୁଲିସ କ୍ଲିନଚିଟ୍ ଦେଇଦେବ। କ୍ରାଇମବ୍ରାଞ୍ଚ ତଦନ୍ତ ଆଳ ଦେଖାଇ ଡ୍ରାମା କରିବା କିଛି ଆବଶ୍ୟକ ନାହିଁ ବୋଲି ସେ କହିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
