ଭୁବନେଶ୍ବର: ରାଜ୍ୟରେ ସାର ଅଭାବକୁ ନେଇ ବିଜେପି କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତଙ୍କ ପ୍ରେସମିଟ । ସାର ପ୍ରସଙ୍ଗରେ ବିଜେଡି ବିଭ୍ରାନ୍ତିକର ତଥ୍ୟ ଦେଉଛି ବୋଲି ବିଜେପି ଅଭିଯୋଗ କରିଛି ।
ସାର ଅଭାବକୁ ନେଇ ଚାଷୀଙ୍କ ଅସନ୍ତୋଷ ଠାରୁ ବଞ୍ଚିବା ପାଇଁ ସରକାର ଚିଠି ଲେଖିଛନ୍ତି। ଅଭିନବ ଉପାୟରେ ରାଜ୍ୟ ସରକାର ଚାଷୀଙ୍କୁ ଠକିବାକୁ ଚେଷ୍ଟା କରିଛନ୍ତି । ଏପରି କରିବା ଦ୍ବାରା ରାଜ୍ୟରେ କୃତ୍ରିମ ଅଭାବ ସୃଷ୍ଟି ହେବ, କଳା ବେପାରୀଙ୍କୁ କଳା ବଜାରୀ କରିବାକୁ ସୁଯୋଗ ମିଳିଯିବ । ଏଥିପାଇଁ ରାଜ୍ୟ ସରକାର ରାସ୍ତା ଖୋଲି ଦେଇଛନ୍ତି। ପଣସ ଖାଇ ପର ମୁଣ୍ଡରେ ଅଠା ବୋଳୁଛି ବିଜେଡି । ରାଜ୍ୟରେ ପର୍ଯ୍ୟାପ୍ତ ପରିମାଣର ସାର ମହଜୁଦ ଅଛି, ଏହାକୁ ମନିଟରିଂ କରି ପାରୁନାହାନ୍ତି ରାଜ୍ୟ ସରକାର । ସ୍ଥିତି ଏମିତି ହୋଇଛି ଯେ ଲୁଚିଛି ନା ଗୋଡ ଦିଟା ଦିଶୁଛି । ନିଜ ଅଧିକାରୀଙ୍କ ଠୁ ତଥ୍ୟ ସଂଗ୍ରହ କରି କହି ନାହାନ୍ତି ସରକାର । ଓଡିଶାକୁ କେନ୍ଦ୍ର ସବୁବେଳେ ପ୍ରାଧାନ୍ୟ ଦେଇ ଆସୁଛି । ଦରକାର ଠୁ ଅଧିକ ସାର ଦିଆ ଯାଇଛି । ମିଡିଆ ଆଗରେ ତଥ୍ୟ ଦିଅନ୍ତୁ ଯେ କେତେ ସାର କେନ୍ଦ୍ର ଠୁ ପାଇଛି ଓଡିଶା । ନିଜ ଅପାରଗତା ଲୁଚାଇବା ପାଇଁ ଏକ ଚେଷ୍ଟା ।
କେନ୍ଦ୍ର ଓ ରାଜ୍ୟ କୃଷି ବିଭାଗ ମଧ୍ୟରେ ପ୍ରତି ୨ ଦିନରେ ଆଲୋଚନା ଚାଲିଛି । ରାଜ୍ୟ କୁମ୍ଭୀର କାନ୍ଦଣା କାନ୍ଦୁଛି । ରାଜ୍ୟ ସରକାର କଳାବଜାରୀଙ୍କ ବିରୁଦ୍ଧରେ ପଦକ୍ଷେପ ନେଲେ ନାହିଁ କି ବେଆଇନ ଗୋଦାମ ସିଲ୍ କଲେ ନାହିଁ ଯାହା ଫଳରେ ଏଭଳି ଏକ ନିଅଣ୍ଟିଆ ପରିସ୍ଥିତି ସୃଷ୍ଟି ହେଉଛି। ଏ ଚିଠି ରାଜନୈତିକ ଉଦ୍ଦେଶ୍ୟ ରହିଛି । ସରକାର ଏଭଳି ରାଜନୀତି ନକରି କୃତ୍ରିମ ଅଭାବକୁ କିଭଳି ଦୂର କରାଯାଇପାରିବ ସେ ନେଇ ପ୍ରଚେଷ୍ଟା କରନ୍ତୁ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
