ଭୁବନେଶ୍ବର: ପଞ୍ଚାୟତ ନିର୍ବାଚନ ଏବଂ ଶିକ୍ଷା କ୍ଷେତ୍ରରେ OBC ଙ୍କୁ ଅବହେଳା କରିଛନ୍ତି ରାଜ୍ୟ ସରକାର। ଏ ନେଇ ରାଜ୍ୟ BJP OBC ମୋର୍ଚ୍ଚା ପକ୍ଷରୁ ସାମ୍ବାଦିକ ସମ୍ମିଳନୀ କରି ଜୋରଦାର ଟାର୍ଗେଟ କରିଛନ୍ତି। କେନ୍ଦ୍ର ସରକାର ଶିକ୍ଷା କ୍ଷେତ୍ରରେ ଓବିସି ମାନଙ୍କୁ 27 ପ୍ରତିଶତ ସଂରକ୍ଷଣ ଦେଇଛନ୍ତି । ଆଉ ସୁପ୍ରିମକୋର୍ଟ ମୋହର ମାରିଛନ୍ତି । ଯଦି ରାଜ୍ୟ ସରକାର ଓବିସିଙ୍କୁ ଶିକ୍ଷା ଓ ନିଯୁକ୍ତି ଦେବେ ନାହିଁ । ତାହେଲେ ଆନ୍ଦୋଳନକୁ ଓହ୍ଲାଇବ ବିଜେପି ଓବିସି ମୋର୍ଚ୍ଚା ।
ରାଜ୍ୟରେ ଅନ୍ୟାନ୍ୟ ପଛୁଆ ବର୍ଗକୁ ଅବହେଳା କରିଛନ୍ତି ରାଜ୍ୟ ସରକାର । ଚଳିତ ପଞ୍ଚାୟତ ନିର୍ବାଚନରେ ଓବିସି ମାନେ କେମିତି ସଂରକ୍ଷଣ ପାଇବେ ନାହିଁ ସେ ନେଇ ରାଜ୍ୟ ସରକାର ଷଡଯନ୍ତ୍ର କରିଥିଲେ । ଜାତି ଭିତ୍ତିକ ଜନଗଣନା କେନ୍ଦ୍ର ସରକାର କରୁନାହାନ୍ତି ବୋଲି ଓବିସିଙ୍କ ଜନଗଣନାରେ ସମସ୍ୟା ହେଉଥିବା କଥା ରାଜ୍ୟ ସରକାର କହିଥିଲେ । ହେଲେ ଓବିସି ସର୍ଭେ ରାଜ୍ୟ ସରକାରଙ୍କ ଦାୟିତ୍ବ । ଶିକ୍ଷା କ୍ଷେତ୍ରରେ ଅନ୍ୟ ରାଜ୍ୟ ସଂରକ୍ଷଣ ଦେଉଛନ୍ତି । ହେଲେ ଓଡିଶା ସରକାର ଦେଉନାହାନ୍ତି ।
ମେଡିକାଲ ଶିକ୍ଷା କାଉନସେଲିଂରେ ଓବିସି ମାନଙ୍କୁ ସରକାର 27 ପ୍ରତିଶତ ଦେଉନାହାନ୍ତି । ଟ୍ରିପଲ ଟେଷ୍ଟ ସରିନି ବୋଲି ଯେଉଁ ରାଜ୍ୟ କରିନାହାନ୍ତି । ସେମାନେ ନିର୍ବାଚନ ସ୍ଥଗିତ ରଖିଲେ । କିନ୍ତୁ ଓଡିଶା ସରକାର ଷଡଯନ୍ତ୍ର କରି ପଞ୍ଚାୟତ ନିର୍ବାଚନ କରୁଛନ୍ତି। ଶିକ୍ଷା କ୍ଷେତ୍ରରେ ସବୁ ରାଜ୍ୟ ପଛୁଆ ବର୍ଗଙ୍କୁ ସଂରକ୍ଷଣ ଦେଉଛନ୍ତି । କିନ୍ତୁ ଓଡିଶା ସରକାର ଦେଉନାହାନ୍ତି ।
ମେଡ଼ିକାଲ ଶିକ୍ଷା କ୍ଷେତ୍ରରେ ଓବିସିଙ୍କୁ 27% ସଂରକ୍ଷଣ ପାଇଁ କେନ୍ଦ୍ର ସରକାରଙ୍କ ପ୍ରସ୍ତାବକୁ ସୁପ୍ରିମକୋର୍ଟ ମୋହର ମାରିଲେ । କିନ୍ତୁ ରାଜ୍ୟ ସରକାର ଏପର୍ଯ୍ୟନ୍ତ କଣ କରିବେ ସ୍ପଷ୍ଟ କଲେ ନାହିଁ । ତେଣୁ ଯାହା ଜଣାପଡୁଛି ଶିକ୍ଷା କ୍ଷେତ୍ରରେ ପଛୁଆ ବର୍ଗଙ୍କୁ ସଂରକ୍ଷଣ ଦେବେନାହିଁ । ଆଗକୁ ବିଜେପି ଏହି ପ୍ରସଙ୍ଗକୁ ନେଇ ଆନ୍ଦୋଳନ କରିବ । ରାଜ୍ୟର 54% ପଛୁଆ ଜାତି ବର୍ଗଙ୍କୁ ଅବହେଳିତ ହେବାକୁ ଦିଆଯିବନାହିଁ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ,ଇଟିଭି ଭାରତ
