ଭୁବନେଶ୍ବର: ପଞ୍ଚାୟତ ନିର୍ବାଚନ ପାଇଁ ଆସନ ସଂରକ୍ଷଣ କ୍ଷେତ୍ରରେ ଓବିସି ବର୍ଗକୁ ଅବହେଳା କରାଯାଉଥିବା ନେଇ ଅଭିଯୋଗ କରିଛନ୍ତି ବିଜେପି ନେତା । ତେବେ ଓବିସି ସଂରକ୍ଷଣ ସମ୍ପର୍କରେ ରାଜ୍ୟ ସରକାରଙ୍କ ନୀତି ଅସ୍ପଷ୍ଟତା ନେଇ କୋର୍ଟଙ୍କ ଦ୍ବାରସ୍ଥ ହେବାକୁ ଚେତାବନୀ ଦେଇଛି ବିଜେପି । ରାଜ୍ୟରେ ସଂରକ୍ଷଣକୁ ନେଇ ସରକାର ବିଭିନ୍ନ ସମୟରେ ଭ୍ରମାତ୍ମକ ବାର୍ତ୍ତା ଦେଉଛନ୍ତି । ଆଉ ଏହି ସଂରକ୍ଷଣ ପ୍ରସଙ୍ଗରେ କେବେ ମନ୍ତ୍ରୀ ଗୋଟିଏ କଥା କହୁଛନ୍ତି ତ ଆଉ କେତେବେଳେ ସଚିବ ଗୋଟିଏ କଥା କହୁଛନ୍ତି । ତେବେ ମହିଳାଙ୍କୁ 27 ପ୍ରତିଶତ ପର୍ଯ୍ୟନ୍ତ ସଂରକ୍ଷଣ ଦିଆଯିବ ଓ ଏହା ତଳ ସ୍ତରରେ ବିଚାର କରାଯିବ ବୋଲି ସରକାର ସୂଚନା ଦେଇଛନ୍ତି ।
ତେବେ ସ୍ଥାନକୁ ସ୍ଥାନ ସଂରକ୍ଷଣ ବ୍ୟବସ୍ଥା ଭିନ୍ନ ରହିବା ସହ ସରକାରଙ୍କ ତରଫରୁ ମିଳିଥିବା ତଥ୍ୟକୁ ସଂଶୋଧନ ପରେ ମଧ୍ୟ ୪ଟି ଜିଲ୍ଲାରେ ଜିଲ୍ଲା ପରିଷଦ ସଦସ୍ୟ ପାଇଁ ଓବିସି ସଂରକ୍ଷଣ ସଂଖ୍ୟା ଶୂନ ରହିଛି । ସେପଟେ ରାଜ୍ୟ ବିଜେପି ଓବିସି ମୋର୍ଚ୍ଚାର ସଭାପତି ସୁରଥ ବିଶ୍ବାଳ କହିଛନ୍ତି କି ଦୁଇ ଦୁଇଟି ବ୍ଲକର ପଞ୍ଚାୟତ ସମିତିରେ ଓବିସିଙ୍କ ସ୍ଥାନ ନାହିଁ । କେଉଁ ନିୟମ ବଳରେ ସରକାର ଏପରି କରିଛନ୍ତି ବୋଲି ସେ ପ୍ରଶ୍ନ କରିଛନ୍ତି ।
ତେବେ ଓବିସି ବର୍ଗଙ୍କୁ ତାଙ୍କ ସମ୍ବିଧାନିକ ଅଧିକାରରୁ କ୍ଷୁର୍ଣ୍ଣ କରାଯିବା ସହ ରାଜ୍ୟ ସରକାର ଓବିସି ବର୍ଗଙ୍କ ସ୍ବାର୍ଥ ଓ ଅଧିକାର ପ୍ରତି ରାଜ୍ୟ ସରକାର ଉଦାସୀନ ଏବଂ ବୈମାତୃକ ମନୋଭାବ ପୋଷଣ କରୁଛନ୍ତି ବୋଲି କହିଛନ୍ତି ବିଜେପି ନେତା ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
