ଭୁବନେଶ୍ବର: ପିପିଲି ଉପନିର୍ବାଚନ ପାଇଁ ରାଜ୍ୟ ନିର୍ବାଚନ ଅଧିକାରୀଙ୍କ ବିରୋଧରେ ନିର୍ବାଚନ କମିଶନ ଦ୍ବାରସ୍ଥ ହେଲା ବିଜେପି । ଯିଏ ନିର୍ବାଚନ ଅଧିକାରୀ ଅଛନ୍ତି ସେ ବି ରାଜ୍ୟ ସରକାରଙ୍କ ଅଧୀନରେ ଅବକାରୀ ସଚିବ ଅଛନ୍ତି । ତେଣୁ ସୁଶୀଲ କୁମାର ଲୋହାନୀଙ୍କୁ ଯେକୌଣସି ଗୋଟିଏ ଦାୟିତ୍ବରେ ରଖାଯାଉ । ଏନେଇ ବିଜେପି ନିର୍ବାଚନ କମିଶନଙ୍କ ନିକଟରେ ଅପିଲ କରିଛନ୍ତି ।
ରାଜ୍ୟର ନିର୍ବାଚନ ଅଧିକାରୀ ହେଉଛନ୍ତି ସୁଶୀଲ କୁମାର ଲୋହାନୀ । ଏଥିସହ ସେ ରାଜ୍ୟ ସରକାରଙ୍କର ଅବକାରୀ ସଚିବ ରହିଛନ୍ତି । ନିର୍ବାଚନ ଅଧିକାରୀ ପରି ସାମ୍ବିଧାନିକ ପଦବୀ ସହ ଯେଉଁ ରାଜ୍ୟରେ ନିର୍ବାଚନ ହେଉଛି ସେହି ସରକାରଙ୍କ ଅଧୀନରେ ସଚିବ ରହିଲେ ନିର୍ବାଚନ ପରିଚାଳନାରେ ନିରପେକ୍ଷତା ରହିବ ନାହିଁ ବୋଲି ବିଜେପି ଅଭିଯୋଗ କରିଛି । ତେଣୁ ସୁଶୀଲଙ୍କ ଠାରୁ କୌଣସି ଏକ ପଦବୀ ହଟାଇ ନିଆଯାଉ ବୋଲି ବିଜେପି ଦାବି କରିଛି ।
ଉପ ନିର୍ବାଚନ ସମୟରେ ବ୍ୟାପକ ମଦ କାରବାର କରିବା ପାଇଁ ରାଜ୍ୟ ସରକାର ଏ ଭଳି ଅଗଣତନ୍ତ୍ରିକ କାର୍ଯ୍ୟ କରିଛନ୍ତି । ଭୋଟ ବ୍ୟାଙ୍କ ପ୍ରଭାବିତ କରିବା ଲାଗି ରାଜ୍ୟ ସରକାର ଏପରି କରିଥିବା ବିଜେପି ଅଭିଯୋଗ କରିଛି । ସୂଚନାଥାଉକି ଆସନ୍ତା ଅପ୍ରେଲ 17 ତାରଖ ଦିନ ପିିପିଲି ଉପନିର୍ବାଚନ ଅନୁଷ୍ଠିତ ହେବ । ମେ 2ରେ ଫଳାଫଳ ବାହାରିବ ।
ଭୁବନେଶ୍ବରରୁ ଭବାନୀଶଙ୍କର ଦାସ,ଇଟିଭି ଭାରତ
