ଭୁବନେଶ୍ବର: ନୟାଗଡ ନାବାଳିକା ହତ୍ୟା ମାମଲାରେ ବିଜେପି ଛାଡିଲା ପ୍ରଶ୍ନ ବାଣ । ଯଦି ବୁଦା ମୂଳେ ମୃତଦେହ ଥିଲା ତେବେ ଡଗ ସ୍କ୍ୱାର୍ଡ଼ କିପରି ଜାଣିପାରିଲାନି ? ଜିଲ୍ଲା ପୋଲିସ ଏବଂ ଅନ୍ୟ ଅଫିସର ଏନେଇ କାହିଁକି ଅବଗତ ହେଲେନି ? ଏଥିରୁ ବାରି ହେଉଛି କି ମନ୍ତ୍ରୀ ଅରୁଣ ସାହୁଙ୍କୁ ଅରୁଣ ବୋଥ୍ରା ସୁରକ୍ଷା ଦେଉଛନ୍ତି ।
ଆଜି ନୟାଗଡ ନାବାଳିକା ହତ୍ୟା ମାମଲା ନେଇ ଏସଆଇଟି ମୁଖ୍ୟ ଅରୁଣ ବୋଥ୍ରା ପ୍ରେସମିଟ ପରେ ଏହା ଉପରେ ସମୀକ୍ଷା କରି ସରକାରଙ୍କୁ ସମାଲୋଚନା କରିଛନ୍ତି ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର । ସେ କହିଛନ୍ତି କି ଅରୁଣ ବୋଥ୍ରା ସରକାରଙ୍କୁ ବଞ୍ଚାଇବା ପାଇଁ ମନଗଢା କାହାଣୀ କହିଛନ୍ତି । ଏହା ବିରୋଧରେ ବିଜେପି ଆନ୍ଦୋଳନ ଜାରି ରଖିବ ।
ପରି ବାପା ମା ମନ୍ତ୍ରୀ ଅରୁଣ ସାହୁଙ୍କ ନାଁ ନେଉଛନ୍ତି , ହେଲେ ତାଙ୍କୁ କାହିଁକି ତଦନ୍ତ ପରିସରକୁ ନିଆଗଲା ନାହିଁ ? ପରୀ ବାପା ମା’ କହୁଛନ୍ତି ସେ ଅଭିଯୁକ୍ତ ଯୁବକର ଏଥିରେ ସମ୍ପୃକ୍ତି ନାହିଁ । ତଥାପି ତାକୁ ଗିରଫ କରାଯାଇ କାହାଣୀ ଶୁଣାଯାଉଛି ।
ଅରୁଣ ସାହୁଙ୍କ ଇସ୍ତଫା ସହ CBI ତଦନ୍ତ ଓ ଅରୁଣ ବୋଥ୍ରାଙ୍କୁ ତଦନ୍ତ ପରିସର ଭୁକ୍ତ କରିବାକୁ ଆମେ ଦାବି କରୁଛୁ । ଏଥିସହ ସେ କହିଛନ୍ତି କି ରାଜ୍ୟରେ ଅଙ୍ଗ ତସ୍କରୀ ଘଟଣା ଲୁଚାଇବା ପାଇଁ ଏହା ଏକ ନୂଆ ନାଟକ। ରାଜ୍ୟରେ ନିଖୋଜ ହୋଇଥିବା 5 ହଜାର 5 ଶହ ଶିଶୁ ଗଲେ କୁଆଡେ । ଆଗରୁ ପୋଲିସ କୁ କିଛି ମିଳିନଥିଲା ଏବେ ବୋଥ୍ରା ଗଲା ପରେ ସବୁ ମିଳୁଛି ବୋଲି କଟାକ୍ଷ ସହ କେନ୍ଦ୍ରୀୟ ତଦନ୍ତ ଦାବି କରିଛି ବିଜେପି ।
ଭୁବନେଶ୍ବରରୁ ତପନ କୁମାର ସାହୁ, ଇଟିଭି ଭାରତ
