କଂଗ୍ରେସର ଅଭିଯୋଗ, ଦିଲ୍ଲୀରେ ଏକାଠି କାର୍ଯ୍ୟ କରୁଛନ୍ତି ବିଜେଡି ଓ ବିଜେପି

ବିଜେଡିକୁ ୨୨ ବର୍ଷରେ ୨୨ ପ୍ରଶ୍ନ ପଚାରିଛି ବିଜେପି । ଏହା ଉପରେ ପ୍ରତିକ୍ରିୟା ରଖିଛନ୍ତି କଂଗ୍ରେସ ନେତା ପଞ୍ଚାନନ କାନୁନଗୋ । ଦିଲ୍ଲୀରେ ବିଜେଡି ବିଜେପି ଏକାଠି କାର୍ଯ୍ୟ କରୁଥିବା ସେ କହିଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ବିଜେଡିକୁ ୨୨ ବର୍ଷରେ ୨୨ ପ୍ରଶ୍ନ ପଚାରିଛି ଭାରତୀୟ ଜନତା ପାର୍ଟି(BJP) । ଏ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ନେତା ପଞ୍ଚାନନ କାନୁନଗୋ । ୨୦୦୦ରୁ ୨୦୦୯ ପର୍ଯ୍ୟନ୍ତ ବିଜେପି ଭାଗୁଆଳି ସରକାରରେ ସାମିଲଥିଲେ । ଦିଲ୍ଲୀରେ ଏବେ ବିଜେଡି-ବିଜେପି ଏକାଠି କାର୍ଯ୍ୟ କରୁଛନ୍ତି ବୋଲି ସେ ଅଭିଯୋଗ କରିଛନ୍ତି ।

ପଞ୍ଚାନନ କହିଛନ୍ତି, "ପ୍ରଥମେ ବିଜେପିକୁ ପ୍ରଶ୍ନ କରାଯାଉ । ୨୦୦ ରୁ ୨୦୦୯ ପର୍ଯ୍ୟନ୍ତ ସେମାନେ ଭାଗୁଆଳି ସରକାରରେ ଥିଲେ । ପ୍ରଥମ ୯ ବର୍ଷ ବିଜେଡି ସହିତ ଥିଲେ ନା ନାହିଁ ସେ ପ୍ରଶ୍ନର ବିଜେପି ଉତ୍ତର ରଖୁ । ଏ ବାବଦରେ ବିଜେପି ପ୍ରଥମେ କୈଫିୟତ ଦେବା କଥା । ଏଥିପାଇଁ ରାଜ୍ୟବାସୀଙ୍କୁ ବିଜେପି ଭୁଲ ମାଗିବା କଥା । ଏହି ୧୦ ବର୍ଷ ଲାଗି ଆମେ ବି ଅଂଶୀଦାର ବୋଲି ବିଜେପି କହିବା କଥା ।

୨୦୧୪ ରୁ ୨୦୨୨ ଯାଏଁ ବିଜେଡିର ସହଯୋଗ ନେଇଛି ବିଜେପି । ବିଜେଡି-ବିଜେପି ଦିଲ୍ଲୀରେ ଏବେ ଏକାଠି କାର୍ଯ୍ୟ କରୁଛନ୍ତି । ରାଜ୍ୟରେ ବିଭାଜିତ କରୁଛନ୍ତି । ଲୋକଙ୍କୁ ବିଭ୍ରାନ୍ତି କରିବା ଲାଗି କାର୍ଯ୍ୟ କରୁଛନ୍ତି ।"

ଇଟିଭି ଭାରତ, ଭୁବନେଶ୍ବର