ଭୁବନେଶ୍ବର: ଆଜି ବିଜେଡିର 24 ତମ ପ୍ରତିଷ୍ଠା ଦିବସ ଅବସରରେ ମହିଳାଙ୍କୁ ଅଧିକ ଗୁରୁତ୍ବ ଦେଇଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ । ପ୍ରତିଷ୍ଠା ଦିବସ ଅବସରରେ ଉଦବୋଧନ ଦେଇ ବିଜେଡି ସର୍ବଦା ମହିଳାଙ୍କ ପାଇଁ ଲଢେଇ ଜାରି ରଖିଛି ବୋଲି ନବୀନ କହିଛନ୍ତି । ମହିଳାଙ୍କ ବିକାଶ ହେଲେ ଦେଶର ବିକାଶ ହେବ । ପ୍ରତିଷ୍ଠା ଦିବସରେ ଏହି କହିଛନ୍ତି ମୁଖ୍ୟମନ୍ତ୍ରୀ । ଆଜି ବିଜୁ ଜନତା ଦଳ 24 ବର୍ଷରେ ପଦାର୍ପଣ କରିଛି ।
ବିଜୁ ଜନତା ଦଳର 24 ତମ ପ୍ରତିଷ୍ଠା ଦିବସ ଅବସରରେ ଭର୍ଚୁଆଲରେ ଯୋଗ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ବୋଧିତ କରି କହିଛନ୍ତି ଯେ ମହିଳାଙ୍କ ସଶକ୍ତିକରଣ ହେଲେ ହିଁ ଦେଶ ସଶକ୍ତ ହେବ। ମହିଳାଙ୍କ ସଶକ୍ତିକରଣ ବିନା ସମାଜ, ପରିବାର , ରାଜ୍ୟ କିମ୍ବା ଦେଶ କେବେ ମଧ୍ୟ ବିକାଶ ହୋଇପାରିବ ନାହିଁ ବୋଲି କହିଛନ୍ତି । ବଜୁ ଜନତା ଦଳର ପ୍ରତିଷ୍ଠା ଦିବସ ଅବସରରେ ସେ କହିଛନ୍ତି ମହିଳାଙ୍କ ସଶକ୍ତି କରଣ ମୋର ସବୁଠୁ ପ୍ରିୟ କାର୍ଯ୍ୟକ୍ରମ । ମା ଆଗେଇଲେ ହିଁ ଦେଶି ଆଗେଇବ ଏବଂ ସମାଜ ଆଗେଇବ । ମା’ ମାନେ ହେଉଛନ୍ତି ଦେଶର ଚକର ଅଖ । ସେମାନଙ୍କ ବିନା ପ୍ରଗତିରେ ରଥ ଆଗକୁ ବଢି ପାରିବ ନାହିଁ ବୋଲି କହିଛନ୍ତି ।1992 ମସିହାର ବିଜୁ ବାବୁ ପଞ୍ଚାୟତରାଜ ବ୍ୟବସ୍ଥା ଓ ସହରାଞ୍ଚଳ ସ୍ବାୟତଶାସନ ବ୍ୟବସ୍ଥାରେ ଓଡିଶାରେ 33% ସଂରକ୍ଷଣ ରଖି ସାରା ଭାରତରେ ଇତିବାସ ସୃଷ୍ଟି କରିଥିଲେ । ତାଙ୍କ ସୁପୁତ୍ର ନବୀନ ପଟ୍ଟନାୟକ 2019 ସାଧାରଣ ନିର୍ବାଚନରେ ରାଜ୍ୟରେ ଉଭୟ ବିଧାନସଭା ଓ ସଂସଦ ପାଇଁ ରାଜ୍ୟରୁ 33% ମହିଳାଙ୍କ ପାଇଁ ସ୍ଥାନ ସଂରକ୍ଷଣ କରିଛନ୍ତି । ଏହାକୁ ସାରା ଭାରତରେ ଲାଗୁ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାରମ୍ବାର ଦାବି କରି ଆସୁଛନ୍ତି । ଏହାକୁ କୌଣସି ଜାତୀୟ ରାଜନୈତିକ ଦଳ ଗ୍ରହଣ କରୁନଥିବାରୁ ବର୍ତ୍ତମାନ ଏହା ବିରୋଧରେ ଜନ ଆନ୍ଦୋଳନ କରିବା ପାଇଁ ମୁଖ୍ୟମନ୍ତ୍ରୀ ଦାବି କରିଛନ୍ତି ।
ବିଜେଡି ନିଜ କଥାକୁ କାମରେ କରି ଦେଖାଇଛି ବୋଲି ନବୀନ କହିଛନ୍ତି । ମହିଳାମାନଙ୍କୁ ଅଧିକାର ମିଳିବା ଯାଏ ରାଜ୍ୟ ଓ ଜାତୀୟ ସ୍ତରରେ ଲଢେଇ ଜାରି ରଖିବେ ବୋଲି ସେ କହିଛନ୍ତି । ଏନେଇ ଘରକୁ ଘର ବୁଲି ସଚେତନ କରାଯିବ । ଏହାକୁ ଏକ ଆହ୍ବାନ ଭାବେ ଗ୍ରହଣ କରି ଆଗାମୀ ଦିନରେ ଆନ୍ଦୋଳନରେ ପରିଣତ କରିବୁ । ସେହିପରି 80 ଲକ୍ଷ ମହିଳା ମିଶନ ଶକ୍ତି ଆନ୍ଦୋଳନରେ ସାମିଲ ହୋଇଥିବାବେଳେ ଦକ୍ଷତା ସହ ଦାୟିତ୍ବ ସେମାନେ ନିଜର କାର୍ଯ୍ୟ ସମ୍ପାଦନ କରୁଛନ୍ତି । ଜଣେ ମହିଳା ସଶକ୍ତ ହେଲେ ସମାଜ ସଶକ୍ତ ହେବ । ନଚେତ ଦେଶର ବିକାଶ ହେବ ହୋଇପାରିବ ନାହିଁ ସେ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
