ଭୁବନେଶ୍ବର: ଆସନ୍ତାକାଲି ଉଷୁନା ଚାଉଳ ନ କିଣିବା ପ୍ରସଙ୍ଗରେ ବିଜେଡି ପକ୍ଷରୁ ଫୁଡ୍ କର୍ପୋରେସନ ଅଫ୍ ଇଣ୍ଡିଆ ଆଗରେ ବିକ୍ଷୋଭ କରାଯିବ । ଆଜି ଏନେଇ ବିଜେଡି ସାମ୍ବାଦିକ ସମ୍ମିଳନୀ କରି ଏହା କହିଛି । କେନ୍ଦ୍ର ସରକାରଙ୍କ ଏହି ନୀତିକୁ ବିରୋଧ କରିଛି ବିଜେଡି ।
ତେବେ କେନ୍ଦ୍ର ସରକାର ଆମକୁ ପ୍ରତିଶୃତି ଦେଇଥିଲେ ୨ ମେଟ୍ରିକ୍ ଟନ ଅରୁଆ ଓ ୫ ମେଟ୍ରିକ୍ ଟନ ଉଷୁନା ଚାଉଳ କିଣିବେ ବୋଲି ମାତ୍ର ଏହା ନକରି ଆମ ସହ ଖେଳୁଛନ୍ତି ବୋଲି ବିଜେଡି କହିଛି । ଏପଟେ ରାଜ୍ୟରେ ଏବେ ୨୨ ମେଟ୍ରିକ ଟନ ଉଷୁନା ଓ ଅରୁଆ ଚାଉଳ ରହିଛି । ସେହିପରି ବଳକା ଥିବା ଚାଉଳକୁ ସଂଘୀୟ ବ୍ୟବସ୍ଥା ଅନୁସାରେ ଏହାକୁ ଫୁଡ୍ କର୍ପୋରେସନ ଅଫ୍ ଇଣ୍ଡିଆ(FCI) ମାଧ୍ୟମରେ କେନ୍ଦ୍ର ସରକାର କିଣିବା କଥା ।
ମାତ୍ର କେନ୍ଦ୍ର ସରକାର ଚାଉଳ କିଣିବା ପରିବର୍ତ୍ତେ ଏହାକୁ ପ୍ରତ୍ୟାଖାନ କରିଛିନ୍ତି । ଯଦି କେନ୍ଦ୍ର ସରକାର ଏହି ନୀତିକୁ ଆମେ ବିରୋଧ କରିବା ସହ ଆସନ୍ତାକାଲି ଦିନ ୧୦ଟା ୩୦ରେ ଭୁବନେଶ୍ବର ସ୍ଥିତ FCI ଆଗରେ ଗଣଧାରଣା ଦେବୁ ବୋଲି ବିଜେଡି କହିଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
