ଭୁବନେଶ୍ୱର: ରାଜ୍ୟରେ ଟୀକାକାରଣ ସମସ୍ୟା ନେଇ ବିଜେଡି ବିଧାୟକ ପ୍ରତାପ ଦେବଙ୍କ ପ୍ରତିକ୍ରିୟା । ରାଜ୍ୟରେ ଟୀକା ସମସ୍ୟା ହେବା ନେଇ ରାଜ୍ୟ ସରକାର ସନ୍ଦେହ କରିଥିଲେ ତାହା ଏବେ ପ୍ରମାଣିତ ହୋଇଛି ବୋଲି ପ୍ରତାପ ଦେବ କହିଛନ୍ତି ।
ସେହିପରି ପ୍ରତାପ ଦେବ କହିଛନ୍ତି ଯେ, 'ଏ ସଂକ୍ରାନ୍ତରେ ଆମ ସ୍ୱାସ୍ଥ୍ୟ ସଚିବ କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । ସେତେବେଳେ ରାଜ୍ୟ ବିଜେପି ନେତା ଓ କେନ୍ଦ୍ରମନ୍ତ୍ରୀ ତାଙ୍କୁ ଭର୍ତ୍ସନା କରିଥିଲେ । ଭିତ୍ତିହୀନ ଅଭିଯୋଗ ବୋଲି କହି ସମାଲୋଚନା ମଧ୍ୟ କରିଥିଲେ । ସବୁ ରାଜ୍ୟଙ୍କୁ ଠିକ ଠାକ ଟୀକା ମିଳୁଥିବା କହିଥିଲେ । ଯଦି ଠିକଠାକ ଟୀକା ମିଳୁଥିଲା ଏବେ ଏତେ ଅବ୍ୟବସ୍ଥା କାହିଁକି ।' ପୂର୍ବରୁ ଟୀକା ଦେବା ନେଇ ରାଜ୍ୟ ସରକାର ଏକ ପ୍ଲାନ କରିଥିଲେ । ଟିକା ଅଭାବରୁ ଏହି ପ୍ଲାନ ମାଡ଼ ଖାଇଗଲା । ସ୍ୱାସ୍ଥ୍ୟ ସଚିବ ଟିକା ନେଇ ଯେଉଁ ପୂର୍ବାନୁମାନ କରି ଚିଠି ଲେଖିଥିଲେ ତାହା ଏବେ ସତ ବୋଲି ପ୍ରମାଣିତ ହେଲା । ଏବେ ଦ୍ଵିତୀୟ ଲହର ପ୍ରଭାବ ଜୋର ଧରିଛି । ବର୍ତ୍ତମାନ ରାଜ୍ୟକୁ ଟିକା ମିଳବ କି ନମିଳିବ ସେନେଇ ଉଦବେଗ ପ୍ରକାଶ କରିଛନ୍ତି ପ୍ରତାପ ଦେବ ।