ଭୁବନେଶ୍ବର: ବିଜୁ ଜନତା ଦଳର ଓଡ଼ିଶା ଶାସନକୁ 20 ବର୍ଷ । ଓଡ଼ିଶାରେ ନବୀନ ପଟ୍ଟନାୟକଙ୍କ ନେତୃତ୍ବରେ ସରକାର ଗଠନକୁ ଦୁଇ ଦଶନ୍ଧି ପୁରିଛି । ଏହି ଅବସରରେ ମୁଖ୍ୟମନ୍ତ୍ରୀ ଟ୍ବିଟ କରି ଓଡ଼ିଶାବାସୀଙ୍କୁ ଧନ୍ୟବାଦ ଜଣାଇଛନ୍ତି ।
ସଫଳତା ପାଇଁ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ଓ କୋଟି କୋଟି ଓଡ଼ିଆଙ୍କ ସମର୍ଥନକୁ ଶ୍ରେୟ ଦେଇଛନ୍ତି । ସେ କହିଛନ୍ତି, ମହାପ୍ରଭୁ ହିଁ ସୃଷ୍ଟି ନିୟନ୍ତା, ତାଙ୍କ ଇଚ୍ଛା ବିନା ପତ୍ର ବି ହଲେ ନାହିଁ । ଶ୍ରୀଜିଉଙ୍କ ଆଶୀର୍ବାଦ ସହ ଓଡ଼ିଶାବାସୀଙ୍କ ସମର୍ଥନରେ ବିଜେଡି 20 ବର୍ଷ ପୂରଣ କରିପାରିଛି । ଦଳର ସଫଳତା ପାଇଁ ଓଡିଶାବାସୀଙ୍କ ନିକଟରେ ଋଣି ବୋଲି କହିଛନ୍ତି ନବୀନ। ଏହି ଧାରାକୁ ବଜାୟ ରଖି ନୂଆ ଓଡ଼ିଶା ଗଠନ ଦିଗରେ ଆଗକୁ ବଢ଼ିବା ପାଇଁ ଆହ୍ଵାନ ଦେଇଛନ୍ତି ମୁଖ୍ୟମନ୍ତ୍ରୀ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
