ଭୁବନେଶ୍ବର: ଶାସକ ଦଳ ଖୋଲାଖୋଲି ନିର୍ବାଚନ ଆଚରଣ ବିଧି ଉଲଙ୍ଘନ କରୁଥିବା ଅଭିଯୋଗ କରି ନିର୍ବାଚନ କମିଶନଙ୍କ ନିକଟରେ ଫେରାଦ ହେଲା ବିଜେପି । ନୟାଗଡ଼ ଜିଲ୍ଲା ଓଡ଼ଗାଁରେ VAW ଭତ୍ତା ବଣ୍ଟୁଛନ୍ତି ବୋଲି ବିଜେପି ଅଭିଯୋଗ କରିଛି । ତଥ୍ୟ ପ୍ରମାଣ ସହ ନିର୍ବାଚନ କମିଶନଙ୍କ ନିକଟରେ ଫେରାଦ ହୋଇଛି ବିଜେପି ।
ବିଜେପି ଅଭିଯୋଗ କରିଛି ଯେ, ବିଡିଓଙ୍କ ନିର୍ଦ୍ଦେଶରେ ଏଭଳି କରାଯାଉଥିବା ପ୍ରମାଣ ମିଳିଛି । ସେହିପରି ଭୁବନେଶ୍ୱର ଜୋନ୍ ନମ୍ବର 30 ଓ ବାଙ୍କୀର ଜୋନ୍ ନମ୍ବର 38ରେ ଶାସକ ଦଳର ଶହ ଶହ ଲୋକେ ନିର୍ବାଚନ ପ୍ରଚାର କରୁଛନ୍ତି । ଏନେଇ ଭିଡିଓ ନିର୍ବାଚନ କମିଶନଙ୍କୁ ଦେଇଛି ବିଜେପି । ରାଜ୍ୟରେ ଶାସକ ଦଳ ସରକାରୀ କର୍ମଚାରୀଙ୍କୁ ନିର୍ବାଚନ କାର୍ଯ୍ୟରେ ଲଗାଇଛନ୍ତି ।
ଶାସକ ଦଳକୁ ହାରିବା ଭୟ ଘାରିଛି । ଶାସକ ଦଳ ନିର୍ବାଚନ ହରିବା ଭୟରେ ଏପରି କରୁଛନ୍ତି । ଯଦି ନିର୍ବାଚନ କମିଶନ ଅଭିଯୋଗ ଉପରେ ଦୃଢ କାର୍ଯ୍ୟାନୁଷ୍ଠାନ ନ ନେବେ, ତେବେ ଦରକାର ପଡ଼ିଲେ ରାଜ୍ୟ ନିର୍ବାଚନ କମିଶନଙ୍କ କାର୍ଯ୍ୟାଳୟ ଆଗରେ ଧାରଣା ଦିଆଯିବ ବୋଲି ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର କହିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
