ଭୁବନେଶ୍ବର: ଶୁକ୍ରବାର ରାତି 8ଟାରୁ ଭୁବନେଶ୍ବର, ଭଦ୍ରକ ଓ କଟକ ସମେତ ଭୁବନେଶ୍ବର ଉପକଣ୍ଠର 18ଟି ଗାଁରେ ସଟ୍ଡାଉନ୍ ଲାଗୁ କରାଯାଇଛି । ଫଳରେ ଏସବୁ ସ୍ଥାନରେ ପୋଲିସ, କଡାପହରା ଦେଉଛି । ଭୁବନେଶ୍ବରରେ ରାତିଠାରୁ କୌଣସି ଲୋକଙ୍କୁ ବାହାରକୁ ବାହାରିବାକୁ ଦିଆଯାଉନଥିବାବେଳେ ଯିଏ ଏହାର ଉଲଘଂନ କରୁଛି ତାଙ୍କୁ 14 ଦିନ ଲାଗି ସରକାରୀ କ୍ବାରେଣ୍ଟାଇନକୁ ନିଆଯାଉଛି ।
ଆଜି(ରବିବାର)ସକାଳୁ ପୋଲିସ ଭୁବନେଶ୍ବରର ବିଭିନ୍ନ ଗଳିଗଳି ବୁଲୁଥିବା ଦେଖିବାକୁ ମିଳୁଛି । ବିଭିନ୍ନ ବାହାନା ଦେଖାଇ ବୁଲୁଥିବା ଲୋକଙ୍କୁ ନିଜ ଗାଡିରେ ବସାଇ 14 ଦିନ ଲାଗି ସରକାରୀ କ୍ବାରେଣ୍ଟାଇନକୁ ନେଇଯାଉଛି । ବର୍ତ୍ତମାନ ସୁଦ୍ଧା ମିଳିଥିବା ଖବର ଅନୁଯାୟୀ, ଭୁବନେଶ୍ବରରେ 65 ଜଣଙ୍କୁ କ୍ବାରେଣ୍ଟାଇନକୁ ନିଆଯାଇଛି । ସେମାନଙ୍କ ମଧ୍ୟରେ ଜଣେ ମହିଳା ଥିବା ସୂଚନା ମିଳିଛି ।
ସୂଚନାଥାଉକି, ରାଜ୍ୟରେ 20 କୋରୋନା ଆକ୍ରାନ୍ତ ଚିହ୍ନଟ ହେଇଛନ୍ତି । ତେବେ କୋରୋନା ଚେନକୁ ରୋକିବା ଲାଗି ତିନି ସହର ସମେତ 18 ଗାଁକୁ 48 ଘଣ୍ଟା ପର୍ଯ୍ୟନ୍ତ ସଟ୍ଡାଉନ୍ ଘୋଷଣା କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
