ଭୁବନେଶ୍ବର: ପୌର ନିର୍ବାଚନକୁ ନେଇ ଭୁବନେଶ୍ବରରେ ହୋଇଥିବା ରାଜନୈତିକ ହିଂସାକାଣ୍ଡରେ ପୂର୍ବତନ କର୍ପୋରେଟର ତଥା ବର୍ତ୍ତମାନର କର୍ପୋରେଟ ପ୍ରାର୍ଥୀଙ୍କ ଭାଇ ଶିଖର ଜେନା ଗିରଫ । ହତ୍ୟା ଉଦ୍ୟମ ଓ ବେଆଇନ ଅସ୍ତ୍ରଶସ୍ତ୍ର ମାମଲାରେ ଗିରଫ କରିଛି କମିଶନରେଟ ପୋଲିସ । ତେବେ ବିଜେଡିର ଟାଣୁଆ ନେତା ଭାବେ ଶିଖର ଜେନା ପରିଚିତ ।
ଏଥିସହ ପୋଲିସ ଗିରଫ କରିବା ସହ ତାଙ୍କୁ କୋର୍ଟ ଚାଲାଣ କରିଛି । ତେବେ କୋର୍ଟ ଚାଲାଣ ବେଳେ ଥାନା ସାମ୍ନାରେ ଦେଖିବାକୁ ମିଳିଥିଲା ବିଜେଡି ସମର୍ଥକଙ୍କ ଉତ୍ତେଜନା । ଏପଟେ ଶିଖର ଜେନା ବିରୋଧରେ ଏକ ବ୍ଲାଙ୍କ ଫାୟାର, ଅଭିଯୋଗ ବିଜେପି ପକ୍ଷରୁ ହୋଇଥିଲା । ଏନେଇ ଏକ ଭିଡିଓ କ୍ଲିପ ଭୁବନେଶ୍ବର ଡିସିପିଙ୍କ ପାଖରେ ପହଞ୍ଚି ଥିଲା ।
ଅନ୍ୟପଟେ ଆଜି ପୋଲିସ ଫୋର୍ସ ସହ ଶିଖର ଜେନାଙ୍କ ଘରେ ପଶି ଚଢାଉ କରିଥିଲା । ଆଡିସିନାଲ ଡିସିପିଙ୍କ ନେତୃତ୍ବରେ 6 ଜଣ ଅଫିସର , କାଉଣ୍ଟର ଟେରୋରିଷ୍ଟ ସ୍କ୍ବାଡ ସହ ପୋଲିସ ଫୋର୍ସ ପହଞ୍ଚି ଘରେ ଛାନଭିନ କରିଥିଲେ । ସେହିପରି ବିଜେପିର ରାକେଶ ଜେନାକୁ ମଧ୍ୟ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
