ଭୁବନେଶ୍ବର: ଡେଙ୍ଗୁ ନିରାକରଣ ନେଇ କମିଶନରଙ୍କୁ ବିଜେପିର ଦାବିପତ୍ର । ରାଜଧାନୀରେ ଡେଙ୍ଗୁ ଦମନ ପାଇଁ ଯୁଦ୍ଧକାଳୀନ ଭିତ୍ତିରେ ପ୍ରତିକାର ବ୍ୟବସ୍ଥା କରିବା ଦାବିରେ ବିଏମସି କମିଶନରଙ୍କୁ ଦାବିପତ୍ର ଦେଲା ଭୁବନେଶ୍ବର ଜିଲ୍ଲା ବିଜେପି । ରାଜଧାନୀର 6, 7, 14 ଓ 17 ନମ୍ବର ୱାର୍ଡ ରେ ସାଙ୍ଘାତିକ ହେଉଛି ଡେଙ୍ଗୁ ପରିସ୍ଥିତି । କେବଳ ଯେ ସେତିକି ନୁହେଁ, ସ୍ମାର୍ଟସିଟି ଡେଙ୍ଗୁରେ ପ୍ରଥମ ହେଲାଣି l ଗତକାଲି ଜଣେ ନାବାଳିକାଙ୍କ ମୃତ୍ୟୁ ମଧ୍ୟ ହେଇଛି l କିନ୍ତୁ ବିଏମସି ଶୋଇ ରହିଥିବା ବେଳେ କୌଣସି ପ୍ରତିକାର କରୁନାହିଁ ବୋଲି ଅଭିଯୋଗ କରିଛି ଜିଲ୍ଲା ବିଜେପି l
ତେଣୁ ତୁରନ୍ତ ପ୍ରତିକାର ବ୍ୟବସ୍ଥା କରି ପୁରା ରାଜଧାନୀ ନାଳ, ନର୍ଦ୍ଦମା ଓ ପଣି ଜମୁଥିବା ସ୍ଥାନରେ ମଶା ତେଲ ପକାଇବା, ମଶା ଧୂଆଁ ଗାଡି ଆରମ୍ଭ କରିବା ଓ ଅତ୍ୟଧିକ ପଣି ଜମୁଥିବା ସ୍ଥାନରେ ମଶା ଡିମ୍ବ ଖାଉଥିବା ମାଛ ଛାଡିବା ଭଳି ପ୍ରତିକାର ବ୍ୟବସ୍ଥା କରିବା ପାଇଁ ଦାବି କରିଛି l ଯଦି ଏ ଦିଗରେ ବିଏମସି ଅତିଶୀଘ୍ର କୌଣସି ବ୍ୟବସ୍ଥା ନ କରେ ତେବେ ପରିସ୍ଥିତି ଅଣାୟତ୍ତ ହେବ ଆଉ ଏଥିପାଇଁ ବିଏମସି ଦାୟୀ ରହିବ l ଡେଙ୍ଗୁ ପ୍ରତିରୋଧ ଦିଗରେ BMC କୌଣସି ଉପାୟ ଅବଲମ୍ବନ ନ କରେ ବିଜେପି ଆନ୍ଦୋଳନକୁ ଓହ୍ଲାଇବ ବୋଲି ଭୁବନେଶ୍ବର ଜିଲ୍ଲା ବିଜେପି ସଭାପତି ବାବୁ ସିଂ ଦାବି କରିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
