ଭୁବନେଶ୍ବର: ନଭେମ୍ବର ୩ରେ ଓଡ଼ିଶାରେ ବାଲେଶ୍ବର ଓ ତିର୍ତ୍ତୋଲ ଉପ-ନିର୍ବାଚନ । ଏଥିପାଇଁ ଜାତୀୟ ଓ ଆଞ୍ଚଳିକ ଦଳ ଗୁଡିକ ତାଙ୍କର ଷ୍ଟାର କ୍ୟାମ୍ପନର ତାଲିକା ସର୍ବାଧିକ ୩୦ ଜଣ ଭିତରେ ସିମୀତ ରଖିବା ପାଇଁ ଚିଠି ମାଧ୍ୟମରେ ନିର୍ଦ୍ଦେଶ ନାମା ଜାରି କରିଛନ୍ତି ନିର୍ବାଚନ କମିଶନର ।
ନିର୍ବାଚନ କମିଶନର ଏନେଇ ଓଡିଶା ସମେତ ସମସ୍ତ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀଙ୍କୁ ଚିଠି ଲେଖି ଜଣାଇଛନ୍ତି । ନୂଆ ଗାଇଡ ଲାଇନରେ ପଞ୍ଜୀକୃତ ଜାତୀୟ ଓ ଆଞ୍ଚଳିକ ଦଳ ସର୍ବାଧିକ ୩୦ ଜଣ ଷ୍ଟାର କ୍ୟାମ୍ପନର ନିୟୋଜିତ କରିବେ ବୋଲି ଲେଖାଯାଇଛି ।
ସେହିପରି ଅଣ ପଞ୍ଜିକୃତ ଦଳ ଗୁଡିକ ୧୫ ଜଣ ଷ୍ଟାର କ୍ୟାମ୍ପନର ନେଇ ପାରିବେ । ପୂର୍ବରୁ ଏହା ୪୦ ଓ ୨୦ ରହିଥିଲା । ବିଜ୍ଞପ୍ତି ପ୍ରକାଶ ପାଇବାର ୧୦ ଦିନ ମଧ୍ୟରେ ଏହି ତାଲିକା ଦେବାକୁ କୁହାଯାଇଛି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
