ଭୁବନେଶ୍ବର: ପ୍ରତିଟି ଓଡିଆ ମନରେ ଗର୍ବ ଆଉ ଗୌରବ ଆଣି ଦେଇଥାଏ ପ୍ରିୟ ପଖାଳ । ବିଶ୍ୱ ପଖାଳ ଦିବସକୁ ନିଆରା ଢଙ୍ଗରେ ପାଳନ କରିଥାନ୍ତି ପ୍ରତ୍ୟକ ଓଡିଆ । ବଡ଼ ବଡ଼ ହୋଟେଲରେ ଏହି ଦିବସକୁ ବେଶ ଜାକଜମକରେ ପାଳନ କରାଯାଇଛି । ଏହି ପାରମ୍ପରିକ ପଖାଳ ଦିବସକୁ ପାଳନ କଲେ ବାହାରିନ ଓଡ଼ିଆ ସମାଜ । ଓଡ଼ିଆ ଯେଉଁଠି, ପଖାଳ ସେଇଠି'- ଉକ୍ତିକୁ ସଠିକ ପ୍ରମାଣ କରିଛି ବାହାରିନ ଓଡ଼ିଆ ସମାଜ ।
ପଖାଳ ଦିବସ ପାଳିଲେ ବାହାରିନ ଓଡ଼ିଆ ସମାଜ
ବାହାରିନ ଓଡିଆ ସମାଜର ପ୍ରତିଷ୍ଠାତା ଅଧ୍ୟକ୍ଷ ଡକ୍ଟର ଅରୁଣ କୁମାର ପ୍ରହରାଜଙ୍କ ବାସଭବନରେ ପଖାଳ ଦିବସ ପାଳନ ହୋଇଛି । ଯାହା ବିଦେଶୀ ମାଟିରେ ଓଡିଆ ସଂସ୍କୃତିକୁ ଅତି ସୁନ୍ଦର ଭାବରେ ପ୍ରତିଫଳିତ କରିଛି । ଏହି କାର୍ଯ୍ୟକ୍ରମରେ ଓଡିଆ ପଖାଳ ସହିତ ଛୋଟ ମାଛ, ଛୁଇଁଭଜା, ପାଳଙ୍ଗ ଶାଗ, ବଡି ଚୁରା ଏବଂ ଅନ୍ୟାନ୍ୟ ଓଡ଼ିଆ ଖାଦ୍ୟ ପରସା ଯାଇଛି । ଫାଷ୍ଟଫୁଡ଼ ଜମାନାରେ ବାହାରିନରେ ଥିବା ପିଲାମାନେ ବି ପଖାଳକୁ ଉପଭୋଗ କରିଛନ୍ତି ।
