ଭୁବନେଶ୍ବର: ଆଜି ଶେଷ ହେବ ପଞ୍ଚମ ପର୍ଯ୍ୟାୟ ଲକଡାଉନ । ରାଜ୍ୟରେ କୋରୋନା ସଂକ୍ରଣ ହ୍ରାସ ପାଉଥିବା ବେଳେ ଆଗକୁ କଣ ରହିବ ରୂପ ରେଖ । ଏନେଇ ସବୁ ଦିଗକୁ ବିଚାରକୁ ନେଇ ନିଷ୍ପତ୍ତି ନେବେ ରାଜ୍ୟ ସରକାର । ଏବଂ ଆଜି ସନ୍ଧ୍ୟାରେ ଆସିବ ଅଗଷ୍ଟ ମାସର ଗାଇଡ଼ ଲାଇନ । ଯେଉଁ ଜିଲ୍ଲା ଗୁଡିକରେ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି ସେଠି ସର୍ଭିଲାନ୍ସକୁ ଅଧିକ ତ୍ୱରାନ୍ୱିତ କରାଯିବ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
ସନ୍ଧ୍ୟାରେ ଆସିବ ଅଗଷ୍ଟ ମାସର ଗାଇଡ ଲାଇନ, ସଂକ୍ରମିତ ଜିଲ୍ଲାରେ ବଢିବ ସର୍ଭିଲାନ୍ସ
ସେ ଆହୁରି ମଧ୍ୟ କହିଛନ୍ତି ଯେ, ପ୍ରତ୍ୟେକ ଦିନ ତଳ ଉପର ହେଉଛି ସଂକ୍ରମଣ ସଂଖ୍ୟା । ତେଣୁ ଆମକୁ ସତର୍କ ହୋଇ ରହିବାକୁ ପଡ଼ିବ । ଭୁବନେଶ୍ବର ଖୋର୍ଦ୍ଧା ଓ ଜଗତସିଂହପୁର ଭଳି ଜିଲ୍ଲାରେ ତଳ ଉପର ହେଉଛି ସଂକ୍ରମଣ । କେରଳରେ ସଂକ୍ରମଣ ସଂଖ୍ୟା ବଢିବା ଆମ ପାଇଁ ସତର୍କ ଘଣ୍ଟି । ପ୍ରତି ପାଣ୍ଡେମିକରେ ଲହର ଆସେ ମାତ୍ର ଏହି ପାଣ୍ଡେମିକରେ ମ୍ୟୁଟାଣ୍ଟ ହେଉଥିବାରୁ ଲହର ପ୍ରଭାବ କମୁନାହିଁ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
