ଭୁବନେଶ୍ବର : ପୋଲିସ କଷ୍ଟଡି ଓ ପୋଲିସ ଏସକର୍ଟରୁ ଏବର୍ଷ ଖସିଛନ୍ତି ୯ ଅଭିଯୁକ୍ତ । ଯେଉଁମାନେ ବିଭିନ୍ନ ସମୟରେ ଥାନାର କେସରେ ବା ଜେଲରେ ସଜା କାଟୁଥିଲେ । ତେବେ ଅନେକ ସମୟରେ ପୋଲିସ ଏସକର୍ଟରେ ଥିବାବେଳେ ବା ପୋଲିସ ହେପାଜତରେ ଥିବାବେଳେ ବିଭିନ୍ନ ବାହାନା ଦେଖାଇ ଖସିଛନ୍ତି ଏହି ଅପରାଧୀ ।
ଏବର୍ଷ ପୋଲିସକୁ ଚକମା ଦେଇ ଖସିଥିଲେ ୯ ଅଭିଯୁକ୍ତ
କ୍ୟାପିଟାଲ, ଚନ୍ଦକା, ତମାଣ୍ଡୋ ଏବଂ ଚନ୍ଦ୍ରଶେଖରପୁର ଥାନାରେ ଥିବା ମାମଲା ଗୁଡିକରେ ଫେରାର ୫ ଜଣ ଅଭିଯୁକ୍ତକୁ ପୋଲିସ ଧରିବାରେ ସକ୍ଷମ ହୋଇଛି । ହେଲେ ଏଯାଏଁ କ୍ୟାପିଟାଲ, ଭରତପୁର, ଖଣ୍ଡଗିରି ଥାନା ଓ ଚନ୍ଦକା ଥାନାରେ ରୁଜୁ ହୋଇଥିବା ୪ଟି ମାମଲାରେ ଏବେ ବି ଫେରାର ରହିଛନ୍ତି ୪ ଅଭିଯୁକ୍ତ । ଯେକି ପୋଲିସକୁ ଚକମା ଦେଇ ଏବେବି ବାହାରେ ବୁଲୁଛନ୍ତି । ଗୋଟିଏ ମାମଲାରେ କ୍ୟାପିଟାଲ, ତମାଣ୍ଡୋ ଏବଂ ଚନ୍ଦକା ଥାନା ଚାର୍ଜସିଟ ଦାଖଲ କରିଛି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
