ଭୁବନେଶ୍ବର: ହିଞ୍ଜିଳି ନାବାଳିକା ଦୁଷ୍କର୍ମ ମାମଲାରେ ସରକାରଙ୍କ ଉପରେ ଜୋରଦାର ବର୍ଷିଛି ବିଜେପି ମହିଳା ମୋର୍ଚ୍ଚା । ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ 5-T ସମ୍ପୂର୍ଣ୍ଣ ଭାବରେ ଫେଲ। ଏଥିରୁ ସାରା ରାଜ୍ୟର ସ୍ଥିତି ସହଜରେ ଅନୁମେୟ । ମହିଳାଙ୍କ ପ୍ରତି ରାଜ୍ୟ ସରକାର ସମ୍ବେଦନଶୀଳ ହୁଅନ୍ତୁ ଓ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେଇ ଉଦାହରଣ ସୃଷ୍ଟି କରନ୍ତୁ ବୋଲି ଏକ ସାମ୍ବାଦିକ ସମ୍ମିଳନୀରେ ଗର୍ଜିଛି ବିଜେପି ମହିଳା ମୋର୍ଚ୍ଚା ।
ଏହାଛଡା ଯଦି ଜନ ପ୍ରତିନିଧି ଓ ପୋଲିସ ତଦନ୍ତରେ ଅବହେଳା କରୁଛନ୍ତି ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉ ବୋଲି ସମ୍ମିଳନୀରେ ପିଙ୍କି ପ୍ରଧାନ କହିଛନ୍ତି। ଦୀର୍ଘ 5 ଦିନ ଧରି ଜଣେ ନାବାଳିକା ଦୁଷ୍କର୍ମର ଶିକାର ହୋଇଥିଲେ ମଧ୍ୟ ଏନେଇ ସ୍ଥାନୀୟ ପୋଲିସ ଚୁପ ବସିଛି। ଏପରିକି ପୀଡିତାଙ୍କ ମା’ଙ୍କ ଉପରେ ଚୁପ ରହିବାକୁ ଚାପ ପ୍ରୟୋଗ କରାଯାଉଛି।
