ଭୁବନେଶ୍ବର: ରାଜଧାନୀରେ ମାତିଛନ୍ତି ଠକ । କିଡନୀ ଦେବାକୁ କହି ଜଣଙ୍କ ଠାରୁ 5 ଲକ୍ଷ ଟଙ୍କା ଠକି ନେଇଥିବା ଘଟଣା ସାମ୍ନାକୁ ଆସିଛି । ପୋଲିସ ଘଟଣାର ତଦନ୍ତ କରି ଅଭିଯୁକ୍ତକୁ କାବୁୁ କରିଛି ।
କିଡନୀ ରୋପଣର ପ୍ରକୃତ ମୂଲ୍ୟ 10ଲକ୍ଷରୁ ଅଧିକ ହେବ । ହେଲେ ଏହାକୁ 5 ଲକ୍ଷ ଟଙ୍କାରେ କରେଇ ଦେବାକୁ କହି ଜଣଙ୍କ ଠାରୁ 5ଲକ୍ଷ ଟଙ୍କା ଠକି ନେଇଛି ଦୁର୍ବୃତ୍ତ । ଏ ନେଇ ବାଲେଶ୍ବର ଜିଲ୍ଲା ରୁପଶାର ପ୍ରତାପଚନ୍ଦ୍ର ମିଶ୍ର ନାମକ ଜଣେ ବ୍ୟକ୍ତି ନୟାପଲ୍ଲୀ ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ ଆରମ୍ଭ କରିିଥିଲେ ।
ମଙ୍ଗଳବାର ପୋଲିସ ଘଟଣାରେ ମୁଖ୍ୟ ଅଭିଯୁକ୍ତକୁ ଗିରଫ କରିଛି । ଗିରଫ ବ୍ୟକ୍ତି ଜଣକ ହେଲେ ପଟ୍ଟାମୁଣ୍ଡାଇର କଦଳିବମା ନୂଆପଟଣାର ହିମାଶୁଂ ଭୂଷଣ ନନ୍ଦ । ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
