ଭୁବନେଶ୍ବର: BJD ରେ ମିଶିଲେ କଂଗ୍ରେସ ବୋରିଗୁମା ବ୍ଳକର ୩ ଟାଣୁଆ ନେତା । କୋରାପୁଟ ଓ ମାଲକାନଗିରିର ପର୍ଯ୍ୟବେକ୍ଷକ ଚନ୍ଦ୍ର ସାରଥୀ ବେହେରା ଏବଂ ଗଣମାଧ୍ୟମ ଉପଦେଷ୍ଟା ମାନସ ମଙ୍ଗରାଜଙ୍କ ଉପସ୍ଥିତିରେ ମିଶିଲେ । ଜୟପୁର ନିର୍ବାଚନ ମଣ୍ଡଳୀ କଂଗ୍ରେସ ବିଧାୟକ ପ୍ରାର୍ଥୀ(2009) ନଗରାଜ ଦୋରା, ବୋରିଗୁମା ବ୍ଲକ କଂଗ୍ରେସ କମିଟିର ପୂର୍ବତନ ଉପସଭାପତି ନିରଞ୍ଜନ ପ୍ରଧାନ ଏବଂ ବୋରିଗୁମାର ଛାତ୍ର କଂଗ୍ରେସ ପୂର୍ବତନ ସଭାପତି ସୁବାଷ ଚନ୍ଦ୍ର ନାୟକ ବିଜେଡିରେ ଯୋଗ ଦେଇଛନ୍ତି ।
BJD Mishran Parba: ବିଜେଡିରେ ଯୋଗଦେଲେ କଂଗ୍ରେସ କୋରାପୁଟର ୩ ଟାଣୁଆ ନେତା ଆଜି(ମଙ୍ଗଳବାର) ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏଥିରେ କୋରପୁଟର ୩ ପ୍ରମୁଖ ନେତା ଯୋଗ ଦେଇଛନ୍ତି । ମୁଖ୍ୟମନ୍ତ୍ରୀ ଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଥିବା କହିଛନ୍ତି ୩ ନେତା । ଏଥିସହ ମହିଳାମାନଙ୍କୁ ଦଳରେ ଯେଉଁ ସମ୍ମାନ ମିଳୁଛି ଏବଂ ମିଶନ ଶକ୍ତି ଜରିଆରେ ମହିଳାଙ୍କୁ ଯେଉଁଭଳି ଭାବେ ସଶକ୍ତିକରଣ କରୁଛନ୍ତି ସେଥିରେ ପ୍ରଭାବିତ ହୋଇ ବିଜେଡିରେ ଯୋଗ ଦେଇଥିବା କହିଛନ୍ତି । ତେବେ ବ୍ଲକରେ ଦଳ କିପରି ଅଧିକ ମଜଭୂତ ହେବ ସେନେଇ କାମ କରିବୁ ବୋଲି କହିଛନ୍ତି ନାଗରାଜ ଦୋରା ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
