ଭୁବନେଶ୍ବର: ୨୦୧୭ ବର୍ଷ ହାତୀ ଗଣନା ଅନୁଯାୟୀ ରାଜ୍ୟରେ ୫୦ ବନଖଣ୍ଡର ମୋଟ ହାତୀଙ୍କ ସଂଖ୍ୟା ୧୯୭୬ ରହିଛି । ଶିମିଳିପାଳରେ ସର୍ବାଧିକ ୩୩୦, ଢେଙ୍କାନାଳରେ ୧୬୯ , ସାତକୋଶିଆରେ ୧୪୭ ଓ ଆଠଗଡରେ ହାତୀଙ୍କ ସଂଖ୍ୟା ଅଛି ୧୧୫ ।
ବିଗତ ତିନି ବର୍ଷରେ ବିଭିନ୍ନ କାରଣରୁ ୨୪୬ ହାତୀଙ୍କ ଜୀବନ ଯାଇଛି । ରାଜ୍ୟରେ ସର୍ବମୋଟ ୧୪ ଟି ହାତୀ କରିଡର ରହିଛି । ବିଜେପି ବିଧାୟକ ମୁକେଶ ମହାଲିଙ୍ଗଙ୍କ ପ୍ରଶ୍ନରେ ଏହି ଉତ୍ତର ରଖିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ।
ସେହିଭଳି ଚିଲିକାରେ ଡଲଫିନଙ୍କ ସଂଖ୍ୟା ବଢିଥିବା କହିଛନ୍ତି ବିଭାଗୀୟ ମନ୍ତ୍ରୀ । ୨୦୧୯-୨୦ ରେ ୧୪୬ ଇରାୱାଡି ଡ଼ଲଫିନ, ୧୭ ଟି ବଟଲନୋଜ ଡ଼ଲଫିନ ରହିଛନ୍ତି । ଲିଖିତ ପ୍ରଶ୍ନରେ ଉତ୍ତର ରଖିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
