ଭୁବନେଶ୍ବର: ଫେଷ୍ଟିଭ ସିଜନ ପାଇଁ ରେଭ ପାର୍ଟି ଉପରେ ପୋଲିସ ନଜର । ମୁମ୍ବାଇରେ କ୍ରୁଜରେ ଡ୍ରଗ୍ସ ଧରାପଡିଵା ପରେ ଏପଟେ ରାଜଧାନୀରେ ସକ୍ରିୟ ହୋଇଛି ପୋଲିସ । ଟ୍ବିନସିଟିରେ ଗତ ୯ ମାସ ମଧ୍ୟରେ ୧୦ କେଜିର ବ୍ରାଉନସୁଗାର ଜବତ ହୋଇଛି ବୋଲି ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।
ଟ୍ଵିନସିଟିରେ ରେଭ ପାର୍ଟି ଉରେ କଡା ନଜର ରଖିଛି କମିଶନରେଟ ପୋଲିସ । ଏନେଇ କଡା ଚେତାବନୀ ମଧ୍ୟ ଦେଇଛନ୍ତି ପୋଲିସ କମିଶନର। ୯ ମାସ ମଧ୍ୟରେ ଭୁବନେଶ୍ଵରରେ ୫.୬୬ କେଜି ଜବତ ହୋଇଥିବା ବେଳେ ୬୭ଜଣ ଗିରଫ ହୋଇଛନ୍ତି । ସେହିପରି କଟକରେ ୪.୬୪ କେଜି ଜବତ ସହ ୩୦ଜଣଙ୍କୁ ଗିରଫ କରାଯାଇଛି । ଦୁଇ ସହରରେ ଧରାପଡିଥିବା ଅଭିଯୁକ୍ତଙ୍କଠୁ ୪୩ଲକ୍ଷ ଟଙ୍କା ଜବତ ହୋଇଛି । ଏନେଇ ରାଜଧାନୀରେ ଡ୍ରଗ୍ସ ବିରୋଧରେ ଅଗଷ୍ଟ ୧୫ରୁ ହ୍ବାଇଟ ସ୍ପାଏଡର ନାମରେ ଏକ ଅଭିଯାନ ଆରମ୍ଭ ହୋଇଥିଲା । ଏଯାବତ ୩ ମାସରେ ୧ କେଜି ୭୫୦ ଗ୍ରାମ ବ୍ରାଉନସୁଗାର ସହ ୩୩ଜଣଙ୍କୁ ଗିରଫ କରାଯାଇଛି ।
ଡ୍ରଗ ଆଡିକ୍ଟ ଉପରେ କଡା ନଜର ରହିଛି । ଏହା ସହିତ 'କ୍ରାଇମ-ଡ୍ରଗ-ବସ୍ତି' ତ୍ରିକୋଣୀୟ କ୍ରାଇମ ଉପରେ ପୋଲିସ ବସ୍ତିଚାଲ ଅଭିଯାନ ଆରମ୍ଭ କରିଛି । ବସ୍ତି ହେଉ ବା ସହରବାସୀ ଏ ସମ୍ପର୍କରେ ସୂଚନା ମିଳିଲେ ପୋଲିସ ତୁରନ୍ତ ଧରିବାକୁ ଯୋଜନା କରୁଛି । ଡ୍ରଗ୍ସ ମୁକ୍ତ ଭୁବନେଶ୍ଵର ପାଇଁ ଯୋଜନା ରହିଛି । ତେଵେ ଗତ ବର୍ଷ ସାରା ରାଜ୍ୟ ମୋଟ ୩୪କେଜି ବ୍ରାଉନ ସୁଗାର ଜବତ କରିଛି ଓଡିଶା ପୋଲିସ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
