ବ୍ରହ୍ମପୁର: ଆଜି ବିଶ୍ବ ଫଟୋଗ୍ରାଫି ଦିବସ । ପ୍ରତିବର୍ଷ ଅଗଷ୍ଟ ମାସର ୧୯ ତାରିଖକୁ ସାରା ବିଶ୍ବରେ ଫଟୋଗ୍ରାଫି ଦିବସ ଭାବେ ପାଳନ କରାଯାଉଛି । ଏହି ଅବସରରେ ବ୍ରହ୍ମପୁର ସହରରେ ଏହାକୁ ନେଇ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ବ୍ରହ୍ମପୁର ଫଟୋଗ୍ରାଫର୍ସ ୱାଲଫର ଆସୋସିଏସନ୍ ପକ୍ଷରୁ ଏହି ଅବସରରେ ସହରର ଖଲ୍ଲିକୋଟ କଲେଜ ସମ୍ମୁଖରୁ ଏକ ଶୋଭାଯାତ୍ରା ବାହାରି ସହର ପରିକ୍ରମା କରିବା ପରେ ରାମଲିଙ୍ଗେଶ୍ବର ମନ୍ଦିର ନିକଟରେ ପହଞ୍ଚିଥିଲେ ।
ଭିଡିଓ ସୌଜନ୍ୟ:ସମ୍ବାଦଦାତା, ବ୍ରହ୍ମପୁର
ସହର ସମେତ ଆଖପାଖ ଅଞ୍ଚଳର ଫଟୋଗ୍ରାଫରଙ୍କୁ ନେଇ ଗଠିତ ହୋଇଥିବା ଏହି ସଂଘ ପକ୍ଷରୁ ଆଗାମୀ ଦିନରେ ବିଭିନ୍ନ ସହରରେ ରକ୍ତଦାନ ଶିବିର ଠାରୁ ଆରମ୍ଭ କରି ସାମାଜିକ କାର୍ଯ୍ୟ କରାଯିବା ସହ ଏକତ୍ରିତ ହେବାକୁ ଆହ୍ବାନ ଦିଆଯାଇଛି । ପରେ ସହରର ଯାଦବ କଲ୍ୟାଣ ମଣ୍ଡପ ଠାରେ ଏହି ଅବସରରେ ଏକ ବୈଠକ ଆୟୋଜିତ ହୋଇଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
