ବ୍ରହ୍ମପୁର: ଆଇଏଫ୍ଏସ୍ ବରିଷ୍ଠ ଅଧିକାରୀ ଅଭୟ ପାଠକଙ୍କ ଆୟ ବର୍ହିଭୂତ ସମ୍ପତ୍ତିକୁ ଯାଞ୍ଚ କରୁଥିବା ଭିଜିଲାନ୍ସ ବିଭାଗର ଏସ୍ଆଇଟି ଟିମ୍ ବ୍ରହ୍ମପୁରରେ ବ୍ୟାଙ୍କ ଆକାଉଣ୍ଟ ଗୁଡିକୁ ଯାଞ୍ଚ କରୁଛି । ଏହି ସମୟରେ ବିଭିନ୍ନ ଗୁରୁତ୍ବପୂର୍ଣ୍ଣ ଦସ୍ତାବିଜ ସଂଗ୍ରହ କରାଯାଉଥିବା ବ୍ରହ୍ମପୁରରେ ଭିଜିଲାନ୍ସ ବିଭାଗର ଅତିରିକ୍ତ ଆରକ୍ଷୀ ଅଧିକ୍ଷକ ସୂଚନା ଦେଇଛନ୍ତି ।
ରାଜ୍ୟର ବରିଷ୍ଠ ଆଇଏଫ୍ଏସ୍ ଅଧିକାରୀ ଅଭୟ ପାଠକଙ୍କ ଆୟ ବର୍ହିଭୂତ ସମ୍ପତ୍ତି ଠୁଳ ମାମଲାରେ ସରକାରଙ୍କ ପକ୍ଷରୁ ଭିଜିଲାନ୍ସକୁ ନେଇ ଗଠିତ ଏସ୍ଆଇଟି ଟିମ୍ ବ୍ରହ୍ମପୁରରେ ଯାଞ୍ଚ କରୁଛି । ଏହି ସମୟରେ ବ୍ରହ୍ମପୁର ସହରରେ ପାଠକ ଏବଂ ତାଙ୍କ ପରିବାର ନାମରେ ଛଅ ଗୋଟି ଆକାଉଣ୍ଟ ରହିଥିବାବେଳେ ଛଅଟି ବୀମା ରହିଥିବା ସୂଚନା ମିଳିଛି । ବ୍ରହ୍ମପୁରରେ ଖୋଳତାଳ କରୁଥିବା ଟିମ୍ ପକ୍ଷରୁ ଏନେଇ ସୂଚନା ଦିଆଯାଇଛି ।
ଏନେଇ ସହରର ଆଇସିଆଇସିଆଇ ବ୍ୟାଙ୍କରେ ଚାରୋଟି ଆକାଉଣ୍ଟ ସମେତ ଏସଡିଏଫସି ଏବଂ°ଏସବିଆଇ ବ୍ୟାଙ୍କରେ ଆକାଉଣ୍ଟ ସମ୍ପର୍କରେ ଅଧିକ ତଥ୍ୟ ବ୍ୟାଙ୍କ କର୍ତ୍ତୃପକ୍ଷଙ୍କୁ ମଗାଯାଇଥିବା କୁହାଯାଉଛି । ସେହିପରି ଡିଏଫଓ ଏବଂ°ବନ ନିଗମର ଜେନେରାଲ ମ୍ୟାନେଜରଙ୍କୁ ମଧ୍ୟ ଆବଶ୍ୟକ ରହିଥିବା ବିଭିନ୍ନ କାଗଜପତ୍ରକୁ ପ୍ରଦାନ କରିବାକୁ କୁହାଯାଇଥିବା ଜଣାପଡିଛି ।
ସୂଚନାଥାଉକି, ଆଇଏଫ୍ଏସ୍ ଅଫିସର ଅଭୟ ପାଠକ ଓ ତାଙ୍କ ପୁଅ ଆକାଶ ପାଠକଙ୍କୁ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଗିରଫ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
