ବ୍ରହ୍ମପୁର : ମୋଟର ସାଇକେଲରେ ବୋମା ନେବା ହେଲା କାଳ । ବୋମୋ ବିସ୍ଫୋରଣରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ଗୁରୁତରଙ୍କୁ ଖଲିକୋଟ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ମୃତ ଯୁବକ ହେଉଛନ୍ତି ମିଟୁ ମହାରଣା। ସୂଚନା ଅନୁସାରେ, ଦୁଇ ଜଣ ଯୁବକ ଗୋଟିଏ ମୋଟର ସାଇକେଲରେ ବୋମା ନେଇ ଯାଉଥିବା ବେଳେ ଖଲ୍ଲିକୋଟର ନିର୍ମଳଝର ନିକଟରେ ବାଇକଟି ସ୍ଲିପ ହୋଇଯାଇଥିଲା । ଫଳରେ ବୋମା ବିସ୍ଫୋରଣ ହୋଇଥିଲା । ବୋମା ଧରି ବାଇକ ପଛରେ ବସିଥିବା ଯୁବକଙ୍କ ହାତ ଖଣ୍ତ ଛିଣ୍ତି ଯାଇଥିବା ବେଳେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।
ସେହିପରି ମୋଟର ସାଇକେଲ ଚଲାଉଥିବା ଯୁବକ ସିଲୁ ପାହାନ ବିସ୍ଫୋରଣରେ ଗୁରୁତର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ଖଲ୍ଲିକୋଟ ମେଡିକାଲରେ ଭର୍ତ୍ତି କରାଯାଇଛି l ଏହି ଦୁଇଜଣ ଖଲ୍ଲିକୋଟର ନୂଆ ଫାସୁଲl ଗାଁରେ ହୋଇଥିବା ଜଣାପଡିଛି। ଅନ୍ୟପଟେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ, ଏଠାରେ ପ୍ରଶ୍ନ ଉଠୁଛି ମୋଟର ସାଇକେଲରେ ଦୁଇ ଯୁବକ ସାଙ୍ଗରେ ବୋମା ଧରି କୁଆଡ଼େ ଯାଉଥିଲେ । ସେନେଇ ପୋଲିସ ଛାନଭିନ ଜାରି ରଖିଛି।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ
