ବ୍ରହ୍ମପୁର: ପେଟ୍ରୋଲ, ଡିଜେଲ, ଇନ୍ଧନ ଗ୍ୟାସ ଓ ନିତ୍ୟବ୍ୟବହୃତ ଖାଦ୍ୟ ସାମଗ୍ରୀର ଦର ଆକାଶଛୁଆଁ ହୋଇଛି । ଏହି ଦର ବୃଦ୍ଧି ପ୍ରତିବାଦରେ ଛାତ୍ର କଂଗ୍ରେସ ପକ୍ଷରୁ ବ୍ରହ୍ମପୁର ସହରରେ ଶୋଭାଯାତ୍ରା ସହ ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ବିକ୍ଷୋଭ ପ୍ରଦର୍ଶନରେ ସମସ୍ତ ବିଦ୍ୟାର୍ଥୀ ମାନଙ୍କୁ କୋଭିଡ୍ ଟୀକାକରଣ ପାଇଁ ଦାବି କରାଯାଇଛି ।
ଦର ବୃଦ୍ଧି ପ୍ରତିବାଦରେ ବ୍ରହ୍ମପୁର ଛାତ୍ର କ°ଗ୍ରେସର ଶୋଭାଯାତ୍ରା
ଏବେ ପେଟ୍ରୋଲ ଦର ଶହେରୁ ଅଧିକ ଟଙ୍କା ରହିଛି । କେନ୍ଦ୍ର ସରକାର ଦରଦାମରେ ଲଗାମ ଲଗାଇବାରେ ଅସଫଳ ରହିଛନ୍ତି । ବର୍ତ୍ତମାନର ଅନଲାଇନ କ୍ଳାସ ଆରମ୍ଭ କରିଥିବା ବେଳେ ଏହା ମଧ୍ୟ ସମସ୍ତଙ୍କ ନିକଟରେ ପହଞ୍ଚି ପାରୁନଥିବା ନେଇ କ୍ଷୋଭ ପ୍ରକାଶ କରିଛନ୍ତି ଛାତ୍ର କଂଗ୍ରେସ ଦଳୀୟ କର୍ମକର୍ତ୍ତା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
