ବ୍ରହ୍ମପୁର: କୋଭିଡ କଟକଣା ମଧ୍ୟରେ ଚଳିତବର୍ଷ ଆୟୋଜିତ ହେବାକୁ ଯାଉଛି ପ୍ରଭୁ ବିଘ୍ନଂରାଜ ଗଜାନନଙ୍କ ପୂଜା । ଏହାକୁ ନେଇ ଉଭୟ ସହରାଞ୍ଚଳ ଠାରୁ ଆରମ୍ଭ କରି ଗ୍ରାମାଞ୍ଚଳରେ ଆରମ୍ଭ ହୋଇଗଲାଣି ପ୍ରସ୍ତୁତି। କାମରେ ଲାଗିଛନ୍ତି ମୂର୍ତ୍ତି କାରିଗର । ସେପଟେ କୋଭିଡ କଟକଣାକୁ ନେଇ ମୂର୍ତ୍ତି କାରିଗରମାନେ ଚଳିତବର୍ଷ ସେତେଟା ବଡ ମୂର୍ତ୍ତି କରି ନ ଥିବାବେଳେ ଉଭୟ ମାଟି ଓ ପ୍ଳାଷ୍ଟର ଅଫ୍ ପ୍ୟାରିସରେ ନର୍ମିତ ଛୋଟ ମୂର୍ତ୍ତି ବଜାରରେ ଦେଖିବାକୁ ମିଳୁଛି । ଏହି ଛୋଟ ମୂର୍ତ୍ତି ପ୍ରତି ବିଭିନ୍ନ ବର୍ଗର ବ୍ୟକ୍ତିବିଶେଷଙ୍କ ଆଗ୍ରହ ମଧ୍ୟ ରହିଥିବା କହିଛନ୍ତି କାରିଗର ।
କୋଭିଡ କଟକଣାରେ ଗଣେଶ ପୂଜା, ଛୋଟ ମୁର୍ତ୍ତି ପ୍ରତି ବଢୁଛି ଆଗ୍ରହ
ବ୍ରହ୍ମପୁର ସହରରେ ପ୍ରତ୍ୟେକ ବର୍ଷ ବେଶ ଧୁମଧାମରେ ଆୟୋଜିତ ହୋଇଥାଏ ପ୍ରଭୁ ବିଘ୍ନରାଜ ଗଜାନନଙ୍କ ପୂଜାର୍ଚ୍ଚନା । ହେଲେ କୋଭିଡ କଟକଣା ଯୋଗୁଁ ଗତ ବର୍ଷରୁ ଚଳିତବର୍ଷ ଏକପ୍ରକାର ଫିକା ପଡିଛି ପୂଜା । ଗଣେଷ ପୂଜା ଚଳିତବର୍ଷ କଟକଣା ମଧ୍ୟରେ ଆୟୋଜିତ କରିବାକୁ ଅନୁମତି ରହିଥିବାରୁ ବଜାରରେ ଏଥର ବଡ ମୂର୍ତ୍ତି ଦେଖିବାକୁ ମିଳୁନାହିଁ ।
