ବ୍ରହ୍ମପୁର: ପରୀକ୍ଷା ବାତିଲ ଦାବିରେ ଛାତ୍ରଛାତ୍ରୀଙ୍କ ରାସ୍ତାରୋକ । ମଙ୍ଗଳବାର ବ୍ରହ୍ମପୁରରେ ଯୁକ୍ତ ଦୁଇ ପରୀକ୍ଷା ବାତିଲ ଦାବିରେ ବ୍ରହ୍ମପୁର ସହରରେ ବିଦ୍ୟାର୍ଥୀ ରାସ୍ତାରୋକ କରିଛନ୍ତି ।
ଯୁକ୍ତ ଦୁଇ ପରୀକ୍ଷା ବାତିଲ ଦାବିରେ ବ୍ରହ୍ମପୁରରେ ବିଦ୍ୟାର୍ଥୀଙ୍କ ରାସ୍ତାରୋକ ବିଭିନ୍ନ ମହାବିଦ୍ୟାଳୟରେ ଅଧ୍ୟୟନରତ ବିଦ୍ୟାର୍ଥୀମାନେ ହଠାତ ଏକତ୍ରିତ ହୋଇ ସହରର ଖଲ୍ଲିକୋଟ କନିଷ୍ଠ ମହାବିଦ୍ୟାଳୟ ସମୁଖରେ ରାଜରାସ୍ତାକୁ ଆସି ରାସ୍ତାରୋକ କରିଥିଲେ । ବିଦ୍ୟାର୍ଥୀଙ୍କ ଆନ୍ଦୋଳନ ଯୋଗୁଁ ଏହି ଅବସରରେ ଗାଡ଼ି ମୋଟର ଯାତାୟତରେ ନାନା ସମସ୍ୟା ଦେଖାଯାଇଥିଲା । ପରେ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚିବା ସହ ବିନା ଅନୁମତିରେ ଏପରି କରିବାକୁ ବାରଣ କରିବା ପରେ ଘଟଣାସ୍ଥଳରୁ ଛତ୍ରଭଙ୍ଗ ଦେଇଥିଲେ ସମସ୍ତ ବିଦ୍ୟାର୍ଥୀ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
