ବ୍ରହ୍ମପୁର: ତମ୍ପରାରେ ମାଛ ଧରିବାକୁ ଯାଇଥିବା ଜଣେ ମତ୍ସଜୀବୀଙ୍କ ଜାଲରେ ପଡିଲା ଏକ ନଅ ଫୁଟ ଲମ୍ବର ଅଜଗର ସାପ । ଗଞ୍ଜାମ ଛତ୍ରପୁର ନିକଟବର୍ତ୍ତୀ ତମ୍ପରା ହ୍ରଦକୁ ତରେଇ ପାଟପୁର ଗ୍ରାମର କନ୍ଧ ବେହେରା ପ୍ରତିନିଧି ରବିବାର ମାଛ ଧରିବା ପାଇଁ କାଠଡଙ୍ଗା ନେଇ ଯାଇଥିଲେ । ସେ ମାଛ ଧରିବା ପାଇଁ ଜାଲ ପକାଇବା ବେଳେ ସେଥିରେ ଏକ ଅଜଗର ପଡିଥିଲା ।
ଏହାକୁ ଦେଖିବା ପରେ ସେହି ସାପକୁ ଧରି ସେ କୂଳକୁ ଆଣିଥିଲେ । ଏହାସହ ତୁରନ୍ତ ବନ ବିଭାଗ କର୍ମଚାରୀଙ୍କ ଉପସ୍ଥିତିରେ ସାପକୁ ଉଦ୍ଧାର କରାଯାଇଥିବା ବେଳେ ଏହା ଅଜଗର ସାପ ବୋଲି ଜଣାପଡିଥିବା ବେଳେ ଏହାର ଆନୁମାନିକ ଲମ୍ବ 9 ଫୁଟ ବୋଲି ଜଣାପଡିଛି।
ମାଛ ଧରୁଥିବା ଜାଲରେ ପଡିଲା 9 ଫୁଟର ଅଜଗର
ପରେ ଉଦ୍ଧାର ସାପଟି କୁ ଜଙ୍ଗଲରେ ଛଡାଯାଇଛି। ଏହି ଖବର ଜଣାପଡିବା ପରେ ସାପଟିକୁ ଦେଖିବା ପାଇଁ ସ୍ଥାନୀୟ ଜନସାଧାରଣଙ୍କ ଭିଡ ଜମିଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
