ବାରିପଦା: ମୟୂରଭଞ୍ଜର ଆରାଧ୍ୟ ଠାକୁର ହରିବଳଦେବ ଜୀଉଙ୍କ ବାହୁଡା ଯାତ୍ରା ଆଜି(ରବିବାର) ଅନୁଷ୍ଠିତ ହୋଇଯାଇଛି । ପରମ୍ପରା ଅନୁସାରେ ପୁରୀରେ ଅନୁଷ୍ଠିତ ହେବାର ଗୋଟିଏ ଦିନ ପରେ ଏଠାରେ ଗୁଣ୍ଡିଚା ଓ ବାହୁଡ଼ା ଯାତ୍ରା ଅନୁଷ୍ଠିତ ହୋଇଥାଏ ।
ବାରିପଦାରେ ବାହୁଡ଼ିଲେ ଜଗନ୍ନାଥ, ଆସନ୍ତାକାଲି ବଳଭଦ୍ରଙ୍କ ରଥଟଣା
ଗତକାଲି ଶ୍ରୀଜିଉ ମାନଙ୍କୁ ପହଣ୍ଡିରେ ଆଣି ରଥାରୂଢ କରାଯାଇଥିଲା । ଏଠାର ପରମ୍ପରା ଅନୁଯାୟୀ ଆଜି ପ୍ରଥମେ ମହାପ୍ରଭୁ ଜଗନ୍ନାଥଙ୍କ ରଥକୁ ପ୍ରଥମେ ଭକ୍ତମାନେ ଟାଣି ନେଇ ଜଗନ୍ନାଥ ମନ୍ଦିର ନିକଟରେ ପହଞ୍ଚାଇବା ପରେ ମହିଳା ମାନେ ସୁଭଦ୍ରାଙ୍କ ରଥକୁ ଟାଣି ନେଇ ଟାଉନ ଥାନା ନିକଟରେ ପହଞ୍ଚାଇଛନ୍ତି । ଲକ୍ଷାଧିକ ଭକ୍ତଙ୍କ ଭିଡ଼କୁ ନଜରରେ ରଖି ମୟୂରଭଞ୍ଜ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଆସନ୍ତାକାଲି ଦେବୀ ସୁଭଦ୍ରାଙ୍କ ରଥକୁ ପ୍ରଥମେ ମହିଳା ମାନେ ଟାଣି ନେଇ ଜଗନ୍ନାଥ ମନ୍ଦିର ନିକଟରେ ପହଞ୍ଚାଇବା ପରେ ବଡ଼ ଠାକୁର ବଳଭଦ୍ରଙ୍କ ରଥ ଟଣାହେବ ।
ଇଟିଭି ଭାରତ, ମୟୂରଭଞ୍ଜ
