ବାଲେଶ୍ବର: ମହିଳାଙ୍କ ଭିଡିଓ ଉତ୍ତୋଳନ କରି ଛେଚା ଖାଇଲେ 3 ଯୁବକ । ବାଲେଶ୍ଵର ଜିଲ୍ଲା ଭୋଗରାଇ ଅଞ୍ଚଳରେ 3 ଜଣ ଯୁବକ ରାତିରେ ମହିଳାଙ୍କ ଭିଡିଓ ଉତ୍ତୋଳନ କରୁଥିବା ବେଳେ ଗ୍ରାମବାସୀଙ୍କ ହାତରେ ଧରାପଡି ନିର୍ଦ୍ଧୁମ ଛେଚା ଖାଇଛନ୍ତି ।
ମହିଳାଙ୍କ ଭିଡିଓ ଉତ୍ତୋଳନ କରି ଛେଚା ଖାଇଲେ 3 ଯୁବକ
ଗତକାଲି(ଶନିବାର) ବିଳମ୍ବିତ ରାତିରେ ଯୁବକମାନେ ଜଣେ ମହିଳାଙ୍କ ଭିଡିଓ ଉତ୍ତୋଳନ କରୁଥିଲେ । ମହିଳା ଜଣକ ଏହାକୁ ଜାଣିପାରି ପରିବାର ଲୋକଙ୍କୁ ଡାକିଥିଲେ । ପରିବାର ଲୋକେ ଆସି ତିନି ଜଣ ଯୁବକଙ୍କୁ କାବୁ କରି ନେଇଥିଲେ । ପରେ ଗ୍ରାମବାସୀ ମାନେ ଯୁବକମାନଙ୍କୁ ବାନ୍ଧି ରଖି ସେମାନଙ୍କ ପରିବାର ଲୋକଙ୍କୁ ଖବର ଦେଇଥିଲେ । ଯୁବକମାନେ ଗୁନେଇବସାଣ ଗ୍ରାମର ବିକାଶ ଦତ୍ତ, ମୁନା ପ୍ରଧାନ ଓ ପରେଶ ଦତ୍ତ ହୋଇଥିବାବେଳେ ସେମାନଙ୍କ ଠାରୁ ଜୋରିମାନା ଆଦାୟ ସହ ଉଠବସ କରାଇ ଛାଡି ଦେଇଥିବା ଜଣାପଡିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
