ବାଲେଶ୍ଵର: ସହରରେ ଅବକାରୀ ମୋବାଇଲ ୟୁନିଟ ପକ୍ଷରୁ ଚଢାଉ । ପଶ୍ଚିମବଙ୍ଗରୁ ମଦ ନେଇ ସୋର ଯାଉଥିବାବେଳେ ସେରଗଡ ଟୋଲଗେଟ ନିକଟରେ ଚଢାଉ କରିଥିଲା ବିଭାଗ । ଏହି ସମୟରେ ସେମାନଙ୍କ ଠାରୁ ବିପୁଳ ପରିମାଣ ବିଦେଶୀ ମଦ ଜବତ ହେବା ସହ 2 ଜଣକୁ ଗିରଫ କରାଯାଇଛି।
ପଶ୍ଚିମବଙ୍ଗ ମାର୍କା ମଦ ଜବତ, ଦୁଇ ଗିରଫ
ଚଢାଉ ବେଳେ 55ଟି ବଡ ବୋତଲ ଜବତ ହୋଇଛି। ଯାହାର ଆନୁମାନିକ ମୂଲ୍ୟ 45 ହଜାର ଟଙ୍କା ହେବ ବୋଲି ଜଣାପଡିଛି। ଏହାସହ ମଦ କାରବାରରେ ବ୍ୟବହୃତ ଏକ ସ୍କୁଟି ମଧ୍ୟ ଜବତ ହୋଇଛି । ଗିରଫ ଦୁଇଜଣ ସୋର ଥାନା ଅଧୀନ ଛତ୍ରପୁର ଅଞ୍ଚଳର ହରେକୃଷ୍ଣ ବେହେରା ଓ ସୁବାଷ ଖୁଣ୍ଟିଆ। ଚଢାଉରେ ଅବକାରୀ ମୋବାଇଲ ୟୁନିଟର ଏକ ୬ ଜଣିଆ ଟିମ ଚଢାଉ କରିଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
