ମୁମ୍ବାଇ: କୋରୋନା ସଙ୍କଟ ବଢିବାରେ ଲାଗିଛି । ଲକଡାଉନ ଅବଧି ବଢିବା ଆଶଙ୍କା ଘାରିଛି । ଏଥିମଧ୍ୟରେ ସେୟାର ବଜାର ଖସିଚାଲିଛି । ସୋମବାର ପ୍ରାୟ 470 ପଏଣ୍ଟ ହ୍ରାସ ପାଇ କାରବାର ବନ୍ଦ କରିଛି ସେନସେକ୍ସ ।
ବିଶେଷ କରି ଏଚଡିଏଫସି, ରିଲାଏନ୍ସ ବ୍ୟାଙ୍କ, ରିଲାଏନ୍ସ ଇଣ୍ଡଷ୍ଟ୍ରୀଜ ଓ ଆଇସିଆଇସିଆଇ ବ୍ୟାଙ୍କ ଭଳି ସେନସେକ୍ସର ପ୍ରମୁଖ ସେୟାର ହ୍ରାସ ଯୋଗୁଁ ବଜାର ଧରାଶାୟୀ ।
30 ସେୟାର ଉପରେ ଆଧାରିତ ସେୟାର ସୂଚକାଙ୍କ ସେନସେକ୍ସ ଏକ ସମୟରେ 30,474.15 ପଏଣ୍ଟ ତଳକୁ ଖସିଯାଇଥିଲା । ହେଲେ ଶେଷରେ ଏଥିରେ କିଛି ସୁଧାର ଆସିବା ସହ ସେନସେକ୍ସ 469.60 ପଏଣ୍ଟ ବଢି 30,690.02ରେ ବନ୍ଦ ହୋଇଛି । ସେହିଭଳି ଏନଏସଇ ନିଫ୍ଟି 118.05 ପଏଣ୍ଟ ଖସି 8,993.85ରେ ବନ୍ଦ ହୋଇଛି ।
