ନୂଆଦିଲ୍ଲୀ: ଆସିଲା ମୋଦି 2.0ର ପ୍ରଥମ ବଜେଟ । ବଜେଟ ଘୋଷଣାରେ କିଏ ଖୁସି ତ ପୁଣି କିଏ ଟେନସନରେ । ମହିଳା ଅର୍ଥମନ୍ତ୍ରୀଙ୍କ ଏହି ବହି ଖାତା ବଜେଟ ପୃଷ୍ଠାରେ ଧନୀଙ୍କ ପାଇଁ ମୋଟା କର ରହିଥିବା ବେଳେ ଗରିବଙ୍କୁ ସଞ୍ଚୟର ଆଶ୍ବସ୍ତି ଦେଇଛି । ବାର୍ଷିକ ବାର୍ଷିକ 2ରୁ5 କୋଟି ଆୟ ଉପରେ 3 ପ୍ରତିଶତ ଓ 5 କୋଟି ଉପରେ 7 % ସରଚାର୍ଜ ଲାଗିବ ।
ସରକାରଙ୍କ ପୂରା ଫୋକସ ଏବେ ରାଜସ୍ବ ଆଦାୟ ଉପରେ । ଏଥିପାଇଁ ବିତ୍ତଶାଳୀଙ୍କ ଉପରେ ଅତିରିକ୍ତ ଟ୍ୟାକ୍ସ ଲଦିବାକୁ ଘୋଷଣା କରିଛନ୍ତି । 2 କୋଟିରୁ ଉର୍ଦ୍ଧ୍ବ ଆୟ କରୁଥିବା କରଦତାଙ୍କଠାରୁ ଅଧିକ ଟିକସ ଆଦାୟ ହେବ । ସେହିପରି ପୂର୍ବରୁ ଲାଗୁ ରହିଥିବା ଆୟକର ନିୟମ ଅପରିବର୍ତ୍ତିତ ରହିଛି । ଏହା ଫଳରେ 3 କୋଟି ମଧ୍ୟବିତ୍ତଙ୍କୁ ଫାଇଦା ମିଳିବ । ଷ୍ଟାଣ୍ଡର୍ଡ ଡିଡକ୍ସନ 40 ରୁ ବଢି 50 ହଜାର ହୋଇଛି । ସେହିପରି 1 କୋଟି ଟଙ୍କା ଉଠାଣ ଉପରେ 2 ପ୍ରତିଶତ ଟିଡିଏସ ଲଗାଯିବ ।
