ନୂଆଦିଲ୍ଲୀ: ଅନ୍ତରାଷ୍ଟ୍ରୀୟ ବଜାରରେ ବହୁମୂଲ୍ୟ ଧାତୁ ଦାମରେ ହ୍ରାସ ପ୍ରଭାବ ଘରୋଇ ବଜାରରେ ଦେଖିବାକୁ ମିଳିଛି । ମଙ୍ଗଳବାର ଦିଲ୍ଲୀ ସରଫରା ବଜାରରେ ସୁନା ଓ ରୂପା ଦାମ ଖସିଛି ।
ଆଜି 10 ଗ୍ରାମ ସୁନା ଦାମ 130 ଟଙ୍କା ହ୍ରାସ ହୋଇ 46,093 ଟଙ୍କାରେ ପହଞ୍ଚିଛି । ପୂର୍ବ କାରବାର ଦିନରେ ସୁନା ଦାମ 10 ଗ୍ରାମ ପ୍ରତି 46,223 ଟଙ୍କାରେ ବନ୍ଦ ହୋଇଥିଲା । ଏ ନେଇ ଏଚଡିଏଫସି ସିକ୍ୟୁରିଟିଜ ପକ୍ଷରୁ ସୂଚନା ଦିଆଯାଇଛି ।
ସେହିଭଳି ରୂପା ଦାମ କିଲୋ ପ୍ରତି 305 ଟଙ୍କା କମି 66,040 ଟଙ୍କା ରହିଛି । ଗତ କାରବାର ଦିବସରେ ରୂପା ଦାମ 66,345 ଟଙ୍କାରେ ବନ୍ଦ ହୋଇଥିଲା ।
ସେପଟେ ଅନ୍ତରାଷ୍ଟ୍ରୀୟ ବଜାରରେ ସୁନା ଦାମ ହ୍ରାସ ହୋଇ ଆଉନ୍ସ ପ୍ରତି 1,726 ଡଲାର ରହିଥିଲା । ସେହିଭଳି ରୂପା ଆଉନ୍ସ ପିଛା 24.89 ଡଲାର ରହିଛି
