ନ୍ୟୁୟର୍କ: କୋରୋନା ଭାଇରସ ସଙ୍କଟ ଯୋଗୁଁ ବିଶ୍ବର ବଡ ଅର୍ଥବ୍ୟବସ୍ଥା ବିପର୍ଯ୍ୟସ୍ତ । ଆର୍ଥିକ କାର୍ଯ୍ୟକଳାପ ଠପ ଯୋଗୁଁ ବେକାରୀ ହାର ବୃଦ୍ଧି ପାଉଛି । ସ୍ଥିତିକୁ ଅନୁଧ୍ୟାନ କଲେ ଜଣାପଡିଛି କି ଏହି ହାର 1930 ମହାମାନ୍ଦାବସ୍ଥା ଠାରୁ ମଧ୍ୟ ଆହୁରି ଅଧିକ ।
ସଦ୍ୟ ରିପୋର୍ଟ ମୁକାବକ, କୋରୋନା କଟକଣା ଯୋଗୁଁ ପ୍ରତ୍ୟେକ 6 ଆମେରିକୀୟ କର୍ମଚାରୀଙ୍କ ମଧ୍ୟରେ ଜଣଙ୍କୁ ରୋଜଗାର ହରାଇବାକୁ ପଡୁଛି । ଏହାର ମୁକାବିଲା ପାଇଁ ଆମେରିକା ସିନେଟରେ ପ୍ରାୟ 500 ଅରବ ଡଲାରରେ ବ୍ୟୟ ପ୍ୟାକେଜକୁ ପାରିତ କରାଯାଇଛି । ଯାହା ଦ୍ବାରା ସଙ୍କଟଗ୍ରସ୍ଥ କାରବାରୀ ଓ ହସ୍ପିଟାଲକୁ ସହଯୋଗ ମିଳିପାରିବ ।
ସରକାର କହିଛନ୍ତି ଯେ, ନିଯୁକ୍ତି ହରାଇଥିବା 44 ଲକ୍ଷ ଆମେରିକୀୟ ଗତ ସପ୍ତାହରେ ବେକାରୀ ସୁବିଧା ପାଇଁ ଆବେଦନ କରିଛନ୍ତି । ମୋଟ 5 ସପ୍ତାହ ମଧ୍ୟରେ ପ୍ରାୟ 2.6 କୋଟି ଲୋକ ବେକାରୀଙ୍କୁ ମିଳୁଥିବା ସହାୟତା ପାଇଁ ଆବେଦନ କରିଛନ୍ତି।
ଏହି ସଂଖ୍ୟା ଆମେରିକାର 10 ଟି ବଡ ସହରର ଜନସଂଖ୍ୟା ସହିତ ସମାନ । ଏହା ଏକ ଭୟଙ୍କର ହ୍ରାସ, ଯାହା ପରେ କାରଖାନା ଏବଂ ଅନ୍ୟାନ୍ୟ ବ୍ୟବସାୟକୁ କିପରି ଏବଂ କେବେ ବନ୍ଦରୁ ମୁକ୍ତ କରାଯିବ ସେ ନେଇ ଆଲୋଚନା ଉପରେ ଅଧିକ ଗୁରୁତ୍ୱ ଦେବା ଆରମ୍ଭ ହେବ ।
