ଭିଏନା: ଆସନ୍ତା 6 ରେ ପେଟ୍ରୋଲିଅମ ରପ୍ତାନୀକାରୀ ସଂଗଠନ ବୈଠକ । ଅଶୋଧିତ ତୈଳ ଉତ୍ପାଦକ ତଥା ରପ୍ତାନି କରୁଥିବା ପ୍ରମୁଖ ଦେଶର ମଞ୍ଚ ଓପେକ ଓ ରୁଷର ନେତୃତ୍ବଧୀନ ଅନ୍ୟ ପ୍ରମୁଖ ଖଣିଜ ତୈଳ ଉତ୍ପାଦକ ଦେଶର ଫୋରମ ପକ୍ଷରୁ ଏହି ବୈଠକ ହେବ ।
ଓପେକ ସହ ଜଡିତ ଏକ ସୂତ୍ର ସୂଚନା ଦେଇଛି ଯେ ଏହି ବୈଠକ ଭିଡିଓ କନଫ୍ରେନ୍ସିଂ ଜରିଆରେ ହେବ । ଦୁନିଆର ପ୍ରମୁଖ ଅଶୋଧିତ ତୈଳ ଉତ୍ପାଦତ ସାଉଦି ଆରବ ଗୁରୁବାର ଓପେକ ଓ ଅନ୍ୟ ପ୍ରମୁଖ ତୈଳ ରପ୍ତାନୀକାରୀ ଦେଶର ବୈଠକ ଆହ୍ବାନ ଦେଇ ସମସ୍ତଙ୍କ ଚକିତ କରିଦେଇଛି ।
ଋଷ ସହ ପ୍ରାଇସ ୱାର ଚଲାଇଥିବା ସାଉଦି ଆରବ ଏବେ କହୁଛି କି , ସେ ଅଶୋଧିତ ବଜାରରେ ସ୍ଥିରତା ଆଣିବାକୁ ଚାହୁଁଛି । ପ୍ରକାଶ ଯେ, ସମଗ୍ର ବିଶ୍ବରେ କୋରୋନା ଭାଇରସ ସଂକ୍ରମଣ ଭୟରେ ଆର୍ଥିକ ଗତିବିଧି ସଙ୍କୁଚିତ ହୋଇପଡିଛ । ଯେଉଥିପାଇଁ ଅଶୋଧିତ ତୈଳ ଚାହିଦା ଭାରୀ ମାତ୍ରାରେ ହ୍ରାସ ପାଉଛି । ଓପେକ ପ୍ଲସ ହେଉଛି ପେଟ୍ରୋଲିୟ ରପ୍ତାନି ଦେଶର ସଂସ୍ଥା । ଏଥିରେ ବିଶ୍ବର 15ଟି ଦେଶ ସଦସ୍ୟ ରହିଛନ୍ତି ।
