ନୂଆଦିଲ୍ଲୀ: କୋରୋନା ମୁକାବିଲା ପାଇଁ ବଢୁଛି ଆର୍ଥିକ ବୋଝ । ଏଥିପାଇଁ ଖର୍ଚ୍ଚକୁ କମାଇବା ଆରମ୍ଭ କଲେଣି କେନ୍ଦ୍ର ସରକାର । ଏହି କ୍ରମରେ ସରକାର ନିଜ କର୍ମଚାରୀ ଓ ପେନସନଭୋଗୀଙ୍କୁ ମିଳୁଥିବା ମହଙ୍ଗା ଭତ୍ତାର ନୂଆ କିସ୍ତି ଉପରେ 2021 ଜୁଲାଇ ଯାଏଁ ରୋକ ଲଗାଇଛନ୍ତି ।
ତଥ୍ୟା ଅନୁଯାୟୀ, କୋଭିଡ-19 ମହାମାରୀ କାରଣରୁ ଦେଶର ରାଜକୋଷ ଗଭୀର ଭାବେ ପ୍ରଭାବିତ ହେଉଛି । ଏଥିପାଇଁ 2020 ଜାନୁଆରୀରୁ 2021 ଜୁଲାଇ 1 ମଧ୍ୟରେ ଦିଆଯିବାକୁ ଥିବା ମହଙ୍ଗା ଭତ୍ତା ଓ ରିଲିଫ କିସ୍ତି ପେମେଣ୍ଟ ସ୍ଥଗିତ ନେଇ ନିଷ୍ପତ୍ତି ନେଇଛନ୍ତି ସରକର ।
ସୂଚନା ଅନୁଯାୟୀ, ଏହି ପଦକ୍ଷେପ ଦ୍ବାରା ସରକାରଙ୍କର ଚଳିତ ଆର୍ଥିକ ବର୍ଷ 2020-21 ଏବଂ ପରବର୍ତ୍ତୀ ଆର୍ଥିକ ବର୍ଷ 2021-22 ରେ ମୋଟ 37,530 କୋଟି ଟଙ୍କା ସଞ୍ଚୟ ହେବ। ତେବେ, କର୍ମଚାରୀ ଏବଂ ପେନସନଭୋଗୀଙ୍କୁ ବର୍ତ୍ତମାନର ସ୍ତରର ଭତ୍ତା ପ୍ରଦାନ ଜାରି ରହିବ ।
ସରକାରଙ୍କ ଏହି ପଦକ୍ଷେପ ଯୋଗୁଁ 50 ଲକ୍ଷ କେନ୍ଦ୍ର କର୍ମଚାରୀ ଓ 61 ଲକ୍ଷ ପେନସନଭୋଗୀ ପ୍ରଭାବିତ ହେବେ ।
ତେବେ ଏଭଳି ମାମଲାରେ ରାଜ୍ୟ ମଧ୍ୟ କେନ୍ଦ୍ର ସରକାରଙ୍କୁ ଅନୁକରଣ କରିବ । ରାଜ୍ୟ ଯଦି ନିଜ କର୍ମଚାରୀ ଓ ପେନସନଭୋଗୀଙ୍କ ମହଙ୍ଗା ଭତ୍ତାକୁ 3ଟି କିସ୍ତିରେ ପେମେଣ୍ଟ କରିବ ନାହିଁ , ତାହେଲେ ରାଜ୍ୟର 82 ହଜାର 566 ଟଙ୍କା ସଞ୍ଚୟ ହେବ । ଯାହାକି କୋରୋନା ମୁକାବିଲାରେ ସାହାଯ୍ୟ ହେବ ।
