ନୂଆଦିଲ୍ଲୀ: ସରକାର ନିବେଶ ବୃଦ୍ଧି ପାଇଁ କର୍ପୋରେଟ ଟିକସ ହ୍ରାସ କରିଛନ୍ତି । ଏହା ଦେଶରେ ନିବେଶ ପାଇଁ ମହତ୍ବପୂର୍ଣ୍ଣ ମଧ୍ୟ । ତେବେ ଗତ କିଛି ତ୍ରୈମାସରେ ଅଭିବୃଦ୍ଧି, ପୂର୍ବ ଭଳି ଆଉ ନାହିଁ (ଜିଡିପି ଖସିଛି) । ଏକ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟ ଆର୍ଥିକ ପରାମର୍ଶଦାତା କୃଷ୍ଣମୂର୍ତ୍ତୀ ସୁବ୍ରମଣ୍ୟମ କହିଛନ୍ତି।
ଶୁକ୍ରବାର ଦେଶର ଅଭିବୃଦ୍ଧି ରିପୋର୍ଟ ଜାରି ହେବ । ଏହା ପୂର୍ବରୁ ସୁବ୍ରମଣ୍ୟମଙ୍କ ବୟାନ ଜିଡିପି ହ୍ରାସ ନେଇ ଆଗୁଆ ସଙ୍କେତ ଦେଇଛି।
2019-20 ଆର୍ଥିକ ବର୍ଷର ପ୍ରଥମ ତ୍ରୈମାସରେ ମୋଟ ଘରୋଇ ଉତ୍ପାଦ 5 ପ୍ରତିଶତକୁ ଖସିଥିଲା । ଯାହାକି 6 ବର୍ଷର ସର୍ବନିମ୍ନ ରେକର୍ଡ । ସେହିପରି ଦ୍ବିତୀୟ ତ୍ରୈୟମାସରେ ଏହି ହାର 4.7 ପ୍ରତିଶତ ହ୍ରାସ ପାଇବ ବୋଲି ବିଭିନ୍ନ ରିପୋର୍ଟରେ ପୂର୍ବାନୁମାନ କରାଯାଇଛି।
ଦେଶର ମାନ୍ଦାବସ୍ଥାକୁ ଦୂର କରିବ ପାଇଁ ସରକାର ନିବେଶ ଉପରେ ଗୁରୁତ୍ବ ଦେଉଛନ୍ତି । ଏଥିପାଇଁ ସେପ୍ଟମ୍ବରରେ କର୍ପୋରେଟ ଟିକସ 30 ପ୍ରତିଶରୁ କମାଇ 22 ପ୍ରତିଶତ ପାଇଁ ଘୋଷଣା କରାଯାଇଛି। ଏହା ବ୍ୟତୀତ ନୂଆ ବିନିର୍ମାଣ କମ୍ପାନୀ ପାଇଁ କର ଦରକୁ 15 ପ୍ରତିଶତ ରଖାଯାଇଛି । ଯେପରି ପ୍ରତ୍ୟକ୍ଷ ବିଦେଶୀ ନିବେଶକୁ ପ୍ରୋତ୍ସାହିତ କରାଯାଇପାରିବ।
