ହାଇଦ୍ରାବାଦ: ଯେହେତୁ ଜନସାଧାରଣଙ୍କ ଖର୍ଚ୍ଚ ଏବଂ ବେସରକାରୀ ପୁଞ୍ଜି ନିୟନ୍ତ୍ରଣ ହ୍ରାସ ପାଉଛି, କେନ୍ଦ୍ର ସରକାର ଆଗକୁ ଆସି ଆଗାମୀ ବଜେଟରେ ଅଧିକ ଖର୍ଚ୍ଚ କରିବା ଉଚିତ ବୋଲି କହିଛନ୍ତି ଜଣେ ବିଶିଷ୍ଟ ଅର୍ଥନୀତିଜ୍ଞ ।
କୋଭିଡ -19 ମହାମାରୀ ଯୋଗୁଁ ଅର୍ଥନୀତିରେ ବିପର୍ଯ୍ୟସ୍ତ ହୋଇପଡିଥିବାରୁ 'ସାଧାରଣ ପ୍ରଶାସନ, ପ୍ରତିରକ୍ଷା ତଥା ଅନ୍ୟାନ୍ୟ ସେବା' ଉପରେ ସରକାରୀ ଖର୍ଚ୍ଚ 12.2 ପ୍ରତିଶତ ହ୍ରାସ ପାଇଛି ଏବଂ ଗତ ଜୁଲାଇ-ସେପ୍ଟେମ୍ବର ତ୍ରୟ ମାସରେ ଘରୋଇ ଖର୍ଚ୍ଚ 54.2 ପ୍ରତିଶତକୁ ଖସି ଆସିଛି ବୋଲି କହିଛନ୍ତି ଚତୁର୍ଦ୍ଦଶ ଆର୍ଥିକ ଆୟୋଗର ସଦସ୍ୟ ତଥା ଅର୍ଥନୀତିଜ୍ଞ ଗୋବିନ୍ଦ ରାଓ ।
ସେ ଆହୁରି ମଧ୍ୟ କହିଛନ୍ତି ଯେ, ଯେହେତୁ ଉପରୋକ୍ତ ତଥ୍ୟ ଅର୍ଥନୀତିରେ ଦୁର୍ବଳ ଚାହିଦା ସୂଚାଉଛି, ତେଣୁ ରାଜସ୍ବ ବୃଦ୍ଧି ତଥା ପୁଞ୍ଜି ବ୍ୟୟ ବୃଦ୍ଧି କରି ସରକାର ଏହାକୁ ପ୍ରୋତ୍ସାହନ ଦେବା ଦରକାର ।
ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ପବ୍ଲିକ୍ ଫାଇନାନ୍ସ ଆଣ୍ଡ ପଲିସିର ନିର୍ଦ୍ଦେଶକ ଥିବା ଏମ ଗୋବିନ୍ଦ ରାଓ କହିଛନ୍ତି ଯେ, ଅଧିକ ଖର୍ଚ୍ଚର ଆୟ ବର୍ଦ୍ଧିତ ଋଣ ଏବଂ ବିନିଯୋଗ ପ୍ରକ୍ରିୟା ମାଧ୍ୟମରେ ସମ୍ପତ୍ତିର ବିମୁଦ୍ରୀକରଣରୁ ଆସିପାରେ।
ସ୍ଥାୟୀ ଅର୍ଥନୈତିକ ପୁନରୁଦ୍ଧାର ପାଇଁ ରାସ୍ତା ପ୍ରସ୍ତୁତ କରୁଥିବାବେଳେ ସେ ଆର୍ଥିକ ଏକୀକରଣର ଧାରଣାକୁ 2022-23 ଆର୍ଥିକ ବର୍ଷକୁ ସ୍ଥଗିତ ରଖିବାକୁ ସରକାରଙ୍କୁ ପରାମର୍ଶ ଦେଇଛନ୍ତି । ବଜେଟରେ ଆସନ୍ତା ବର୍ଷର ଶେଷ ତିନି ମାସରେ ଉତ୍ପାଦନ ସମ୍ଭାବନା ଥିବାରୁ ସରକାର ଆର୍ଥିକ ଏକୀକରଣର ଧାରଣାକୁ ଆଉ ଏକ ବର୍ଷ ସ୍ଥଗିତ ରଖିବା ଉଚିତ ବୋଲି ସେ ମତ ଦେଇଛନ୍ତି ।
ବର୍ତ୍ତମାନ ସମୟରେ ରାଜକୋଷୀୟ ପରିଷଦର ଆବଶ୍ୟକତା ରହିଛି
ବଢୁଥିବା‘off Budget liabilities’ ଆର୍ଥିକ ନିଅଣ୍ଟର ବିଶ୍ବସନୀୟତାକୁ ହ୍ରାସ କରୁଥିବାରୁ ଏମ ଗୋବିନ୍ଦ ରାଓ ଆସନ୍ତା ବଜେଟରେ ଆର୍ଥିକ ପରିଷଦ ପାଇଁ ବ୍ୟବସ୍ଥା କରିବାକୁ ସରକାରଙ୍କୁ ପରାମର୍ଶ ଦେଇଛନ୍ତି।
ଚତୁର୍ଦ୍ଦଶ ଅର୍ଥ ଆୟୋଗଙ୍କ ସୁପାରିଶ ଅନୁଯାୟୀ ବଜେଟକୁ ସ୍ବଚ୍ଛ ଏବଂ ଉତ୍ତରଦାୟୀ କରିବା ପାଇଁ ଆର୍ଥିକ ପରିଷଦ ଗଠନ କରାଯିବା ଉଚିତ । ପରିଷଦ ଏକ ନିରପେକ୍ଷ ସଂସ୍ଥା ହେବା ଆବଶ୍ୟକ ଏବଂ ଏହାକୁ କେବଳ ସଂସଦରେ ରିପୋର୍ଟ କରାଯିବା ଉଚିତ ବୋଲି ସେ କହିଛନ୍ତି।
ପରିଷଦକୁ ତିନୋଟି ବିଷୟରେ ଦାୟିତ୍ବ ଦିଆଯିବା ଆବଶ୍ୟକ । କାର୍ଯ୍ୟକ୍ରମର ମୂଲ୍ୟର ବୈଜ୍ଞାନିକ ଆକଳନ ଏବଂ ପୂର୍ବାନୁମାନର ମୂଲ୍ୟାଙ୍କନ, ନୀତି ଏବଂ କାର୍ଯ୍ୟକ୍ରମର ମୂଲ୍ୟ ସ୍ବଚ୍ଛ ଢଙ୍ଗରେ ଏବଂ ସଂସଦରେ ନିରପେକ୍ଷ ରିପୋର୍ଟ ଦାଖଲ କରିବା ଆବଶ୍ୟକ ବୋଲି ରାଓ କହିଛନ୍ତି ।
