ରିଲାଏନ୍ସ ରିଟେଲର 1.75 ପ୍ରତିଶତ ଅଂଶଧନ କିଣିଲା ସିଲଭର ଲେକ

ରିଲାଏନ୍ସ ରିଟେଲର 1.75 ପ୍ରତିଶତ ଅଂଶଧନ ଅଧିଗ୍ରହଣ କରିଛି ସିଲଭର ଲେକ ପାର୍ଟନର୍ସ । ଏହି ଷ୍ଟକ ପାଇଁ କମ୍ପାନୀ 7,500 କୋଟି ଟଙ୍କା ନିବେଶ କରିଛି । ଅଧିକ ପଢନ୍ତୁ..

ନୂଆଦିଲ୍ଲୀ: ଆମେରିକାର ଘରୋଇ ଇକ୍ୟୁଟି ଫାର୍ମ ସିଲଭର ଲେକ ପାର୍ଟନର୍ସ ରିଲାଏନ୍ସ ଗ୍ରୁପର କମ୍ପାନୀ ରିଲାଏନ୍ସ ରିଟେଲର 1.75 ପ୍ରତିଶତ ଅଂଶଧନ କିଣିଛି । ଏହି ଚୁକ୍ତି 7,500 କୋଟି ଟଙ୍କାରେ ହୋଇଛି ।

ବୁଧବାର ରିଲାଏନ୍ସ ଜାରି ବିବୃତ୍ତିରେ ଏ ନେଇ ସୂଚନା ଦେଇଛି । ଏହି ନିବେଶ ରିଲାଏନ୍ସ ରିଟେଲର 4.21 ଲକ୍ଷ କୋଟି ଟଙ୍କାର ମୂଲ୍ଯାଙ୍କନ ଉପରେ କରାଯାଇଛି ।

ଦୁନିଆର ସର୍ବବୃହତ୍ତ ପ୍ରଯୁକ୍ତିବିଦ୍ୟା କମ୍ପାନୀ ସିଲଭର ଲେକ ଏହା ପୂର୍ବରୁ ଅରବପତି ଉଦ୍ଯୋଗପତି ମୁକେଶ ଅମ୍ବାନୀଙ୍କ କମ୍ପାନୀ ରିଲାଏନ୍ସ, ଇଣ୍ଡଷ୍ଟ୍ରିଜ ଲିମିଟେଡର ଡିଜିଟାଲ ୟୁନିଟ ଜିଓ ପ୍ଲାର୍ଟଫର୍ମରେ ମଧ୍ୟ ନିବେଶ କରିଛି ।